تۇرعىن ءۇي 7-20-25 باعدارلاماسى بويىنشا 95 كرەديت ماقۇلداندى

استانا. قازاقپارات - ق ر ينۆەستيتسيالار جانە دامۋ ءمينيسترى جەڭىس قاسىمبەك حالىق الدىنداعى ەسەپتىك كەزدەسۋىن قورىتىندىلاۋعا ارنالعان باسپا ءسوز ءماسليحاتىندا تۇرعىن ءۇي قۇرىلىسىنا 513,3 ميلليارد تەڭگە ينۆەستيتسيا سالىنعانىن ايتتى، دەپ حابارلايدى قازاقپارات ءتىلشىسى.

قۇرىلىس سالاسىندا بيىل 12,1 ميلليون شارشى مەتر تۇرعىن ءۇيدى نەمەسە 103 مىڭنان استام باسپانانى پايدالانۋعا بەرۋ جوسپارلانىپ وتىر.

رەسپۋبليكا بويىنشا  49667 باسپانا پايدالانۋعا بەرىلدى، ونىڭ ىشىندە  20532 جەكە ءۇي بار.

«مەملەكەت باسشىسىنىڭ باستاماسى بويىنشا يپوتەكانى ودان ءارى دامىتۋ جانە تولەم قابىلەتى بار حالىقتى قولداۋ ماقساتىندا «7-20-25» جاڭا يپوتەكالىق نەسيەلەندىرۋ باعدارلاماسى ەنگىزىلدى. بيىل تۇرعىن ءۇي قۇرىلىسىنا 513,3 ميلليارد تەڭگە ينۆەستيتسيا سالىندى. بۇل وتكەن جىلعىدان 28,4 پايىز جوعارى. تومەن پايىزدى يپوتەكا جاڭا قۇرىلىستان باسپانا الۋعا بەرىلەدى. ۇلتتىق بانكتىڭ دەرەگى بويىنشا بيىل 4 - شىلدەدەن باستاپ كرەديتتىك كوميسسيانىڭ قاراۋىنا وتىنىشتەر تۇسە باستادى. بۇگىنگى كۇنى 148 ءوتىنىش جولدانىپ، 1,1 ميلليارد تەڭگە بولاتىن 95 يپوتەكالىق كرەديت ماقۇلداندى»، - دەپ حابارلادى مينيستر.

اۆتور: داۋلەت ىزتىلەۋ