الداعى 6 جىلدا بولۋى مۇمكىن سۋ تاپشىلىعى ەلدىڭ دامۋىنا قاۋىپ توندىرەدى
«سۋارمالى ەگىنشىلىكتىڭ نەگىزگى ۇلەسىن قۇرايتىن ەلدىڭ وڭتۇستىك وبلىستارىندا سۋ ۇنەمدەۋ تەحنولوگيالارىن ەنگىزۋ دەڭگەيى تومەن. ولار جالپى سۋارمالى جەرلەر كولەمىنىڭ %3 دا عانا قولدانىلادى. ەكونوميكا سالالارىندا جانە حالىق اراسىندا سۋ رەسۋرستارىن پايدالانۋدىڭ اعىمداعى جاعدايى ساقتالعان جاعدايدا 2029 -جىلعا قاراي سۋ تاپشىلىعىنا بايلانىستى الەۋمەتتىك- ەكونوميكالىق دامۋ قارقىنىنىڭ تومەندەۋ قاۋپى بار» ، - دەلىنگەن اشىق ن ق ا پورتالىندا جاريالانعان سۋ رەسۋرستارىن باسقارۋ جۇيەسىن دامىتۋدىڭ 2023-2029 -جىلدارعا ارنالعان تۇجىرىمداماسىندا.
بۇل رەتتە ەكولوگيا مينيسترلىگى جەراستى سۋلارىن پايدالانۋ توڭىرەگىندەگى ماسەلەلەردى كوتەرگەن. ءمالىم بولعانداي، تاپشىلىققا مىنا فاكتورلار سەبەپ بولىپ وتىر:
- جەر استىنداعى سۋ قورلارىن يگەرۋ دارەجەسى تومەن؛
- جەراستى سۋلارىنىڭ %90 ى ءتيىستى نورما مولشەرىندە پايدالانىلمايدى؛
- جەراستى سۋلارىن قولدانۋ رەجيمىنىڭ بۇزىلۋى، سونداي- اق رۇقسات ەتىلمەگەن بۇلاقتاردان سۋ الۋ. سالدارىنان قازىر بار قورلار تەز سارقىلىپ جاتىر.
بۇدان وزگە، ماگيسترالدىق قۇبىرلار ارقىلى اۋىل شارۋاشىلىعى ماقساتتارىنا باعىتتالاتىن سۋدىڭ %19,8- ى توزعان ينفراقۇرىلىم كەسىرىنەن ىسىراپ بولىپ وتىر.