17:53, 02 - اقپان 2023 | GMT +6
سايلاۋدا بايقاۋشى بولۋعا 6 ۇكىمەتتىك ەمەس ۇيىم ءوتىنىم بەردى – و س ك
استانا. قازاقپارات - سايلاۋدا بايقاۋشى بولۋعا نيەت بىلدىرگەن 6 ۇكىمەتتىك ەمەس ۇيىمنىڭ ءوتىنىمى قارالىپ جاتىر.
بۇل تۋرالى ورتالىق سايلاۋ كوميسسياسى جانىنداعى ساراپشىلىق كەڭەستىڭ كەڭەيتىلگەن وتىرىسىندا وسك ءتوراعاسى نۇرلان ءابدىروۆ ايتتى، دەپ حابارلايدى قازاقپارات ءتىلشىسى.
«قازىردىڭ وزىندە 6 ۇكىمەتتىك ەمەس ۇيىم رەسپۋبليكا دەڭگەيىندە سايلاۋدا بايقاۋشى بولۋعا نيەت ءبىلدىردى. ولار اككرەديتتەۋ ءۇشىن قۇجاتتارىن تاپسىردى. ولاردى ورتالىق سايلاۋ كوميسسياسى قارايدى. مەملەكەتتىك ورگانداردان ءتيىستى جاۋاپ الۋ ءۇشىن كوپ ۋاقىت كەتەدى. بارلىعى قارالادى، بارلىق ۇيىم رۇقسات الادى دەپ سەنەمىن. ول نەگىزىنەن قۇزىرلى ورگانداردىڭ قانداي قورىتىندى جاۋاپ بەرەتىنىنە بايلانىستى»، - دەپ ءمالىم ەتتى نۇرلان ءابدىروۆ.