وزبەكستاندا اۆتوبۋستاعى گاز باللون جارىلىپ، 6 ادام كوز جۇمدى
19 تامىز 07:26

وزبەكستاندا اۆتوبۋستاعى گاز باللون جارىلىپ، 6 ادام كوز جۇمدى

تاشكەنت. قازاقپارات - وزبەكستاننىڭ سىرداريا وبلىسىندا اۆتوبۋستاعى گاز باللونى جارىلىپ، 6 ادام قازا تاپتى، دەپ حابارلايدى قازاقپارات.

وزبەكستان توتەنشە جاعدايلار مينيسترلىگىنىڭ مالىمەتىنشە، قايعىلى وقيعا 18-تامىز كۇنى ساعات 14:30 شاماسىندا سىرداريا وبلىسىنىڭ اقالتىن اۋدانىندا بولعان.

اۆتوبۋستىڭ گاز باللوندارىنىڭ ءبىرى گاز قۇيۋ ستانتسياسىندا جارىلعان. «الدىن الا مالىمەت بويىنشا، وقيعا سالدارىنان 6 ادام قازا تاۋىپ، 15 ى ءارتۇرلى دارەجەدەگى دەنە جاراقاتتارىن الدى»، - دەدى ۆەدومستۆونىڭ باسپا ءسوز قىزمەتىنەن.

وقيعانىڭ ءمان- جايىن وزبەكستاننىڭ توتەنشە جاعدايلار مينيسترلىگىنەن قۇرالعان جۇمىس توبى تەكسەرىپ جاتىر.



جاڭالىقتار