استاناداعى 6 مەكتەپكە قازاقتىڭ ءبىرتۋار تۇلعالارىنىڭ ەسىمى بەرىلەدى

نۇر-سۇلتان. قازاقپارات - نۇر-سۇلتانداعى 6 مەكتەپكە ۇلتىمىزدىڭ ءبىرتۋار بەلگىلى تۇلعالارىنىڭ ەسىمى بەرىلمەك.

ۇكىمەت باسشىسىنىڭ ءتيىستى قاۋلىسى «اشىق» ن ق ا سايتىندا جاريالاندى، دەپ حابارلايدى قازاقپارات ءتىلشىسى.

«1№ مەكتەپ-ليتسەيىنە - تالعات بيگەلدينوۆتىڭ، ال 88№ مەكتەپ-ليتسەيگە - قادىر مىرزا ءالىنىڭ، 70№ مەكتەپ-ليتسەيگە - تەمىربەك جۇرگەنوۆتىڭ، 92№ مەكتەپ-ليتسەيگە - اقجان ءال-ماشانيدىڭ، 65№ مەكتەپ-گيمنازياسىنا - ماعجان جۇمابايەۆتىڭ، 1№ ونەر مەكتەبىنە - تاتتىمبەتتىڭ ەسىمى بەرىلسىن»، - دەلىنگەن ۇكىمەت قاۋلىسىندا.

قاۋلى بۇگىنەن باستاپ كۇشىنە ەنەدى.

ايتا كەتسەك، ەلورداداعى 30 دان استام كوشە مەن 3 اللەياعا تانىمال قازاق تۇلعالارىنىڭ ەسىمى بەرىلۋى مۇمكىن.

بۇل تۋرالى قالالىق ءماسليحاتتىڭ قاۋلىسى اشىق تالقىعا شىعارىلدى.