USD 429.57 EUR 447.35
RUB 6.94 CNY 63.23
جاڭالىقتار

م م ا- دان الەم چەمپيوناتى: العاشقى كۇنى 6 قازاقستاندىق سپورتشىنىڭ بەسەۋى جەڭىسكە جەتتى

25 قاڭتار 07:02
:ءبولىسۋ
م م ا- دان الەم چەمپيوناتى: العاشقى كۇنى 6 قازاقستاندىق سپورتشىنىڭ بەسەۋى جەڭىسكە جەتتى

نۇر- سۇلتان. قازاقپارات – 24-قاڭتاردا ءابۋ- دابيدە م م ا- دان الەم چەمپيوناتى باستالدى. وعان 56 ەلدەن 421 سپورتشى قاتىسۋدا.

جارىستار 18-21 جاس (جاستار) جانە 21+ (ەرەسەكتەر) جاس ساناتتارىندا وتكىزىلەدى، دەپ حابارلايدى قازاقستاننىڭ بىرىككەن م م ا فەدەراتسياسىنىڭ باسپا ءسوز قىزمەتى.

جارىستىڭ العاشقى كۇنىندە 6 قازاقستاندىق سپورتشى كۇش سىنادى. ونىڭ بەسەۋى جەڭىسكە جەتىپ، 1/8 فينالعا جولداما الدى. سەگىزبۇرىشقا ءبىرىنشى بولىپ جاستار (18-21 جاس) اراسىندا 61,2 كەلىگە دەيىنگى سالماقتا شىمكەنتتىك يمانعالي ءابدىقايىم شىقتى. مەكسيكالىق حورحە كوبوسپەن وتكەن جەكپە- جەكتە يمانعالي ءۇش راۋند بويىنا ايقىن باسىمدىق تانىتىپ، ءبىراۋىزدان جەڭىسكە جەتتى.

77,1 كەلىگە دەيىنگى جارتىلاي ورتا سالماقتا ونەر كورسەتكەن اقمولالىق بوگدان پشەبەلسكي ءبىرىنشى راۋندتا- اق تەحنيكالىق نوكاۋتپەن اياقتاعان ءۇندىستاندىق قارسىلاسى سيەد ابدۋل نازەر يبراحيمگە بىردە- ءبىر مۇمكىندىك قالدىرعان جوق. تاعى ءبىر شىمكەنتتىك سپورتشى بەكزات جاسيا (65,8 كەلىگە دەيىن) اۆستريالىق اناس حامداۋيمەن ءۇش راۋند وتكىزدى. تورەشىلەر ءبىراۋىز شەشىمىمەن جەڭىستى قازاقستاندىققا بەردى.

ورتا سالماقتاعى الماتى وبلىسىنىڭ وكىلى سانجار جاقسىلىقبايەۆ (83,9 كەلىگە دەيىن) تاباندى بەلدەسۋدە تاجىكستاندىق حاليد توليبزودادان جەڭىلىپ قالدى. قوستاناي وبلىسىنىڭ سپورتشىسى ۆاحيد تيمەربيەۆ (93 كەلىگە دەيىن) ساۋد ارابياسىنىڭ جاۋىنگەرى فاحاد القاحتاگيگە قارسى كيمۋرانى اۋىرتۋ ادىسىمەن جەكپە- جەكتى مەرزىمىنەن بۇرىن اياقتاپ، حالىقارالىق جارىستاردا جارقىن دەبيۋت جاسادى.

ەسكە سالايىق، قازاقستان اتىنان 29 سالماق دارەجەسى بويىنشا 42 سپورتشى قاتىسىپ جاتىر.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات