نۇر-سۇلتان قالاسىندا 6 بالا گازدان ۋلاندى

None
None
نۇر-سۇلتان. قازاقپارات - نۇر-سۇلتاندا گازعا ۋلانعان 6 بالا قۇتقارىلدى.

بۇل تۋرالى مەملەكەتتىك ءورت باقىلاۋ باسقارماسىنىڭ باس مامانى ايگەرىم رايىمقۇلوۆا ايتىپ بەردى، دەپ حابارلايدى قازاقپارات.

سپيكەردىڭ ايتۋىنشا، جىل سوڭىنا دەيىن ءورت قاۋىپسىزدىگىن تەكسەرۋ ماقساتىندا 2 ميلليون جەكە تۇرعىن ءۇيدى ارالاۋ جوسپارلانعان. نەگىزىنەن حالىقتىڭ الەۋمەتتىك وسال توپتارىنىڭ تۇرعىن ۇيلەرى تەكسەرىلەدى.

سونداي-اق، بۇگىن ەلوردادا التى بالا ۋلى گازدان قازا تابا جازدادى.

«بۇگىن تاڭعى 7:40 تا ساياجاي اۋماعىندا التى بالاعا ءيىس ءتيىپ، اۋرۋحاناعا ءتۇستى. تاڭەرتەڭنەن باستاپ، ءىزىن سۋىتپاي، ءىستىڭ ءمان-جايىن انىقتادىق. بۇل وتباسىنىڭ ءبىزدىڭ ەسەپتە بار-جوعىن تەكسەردىك. بەلگىلى بولعانداي، بۇل وتباسى قىركۇيەك ايىندا كوشىپ كەلگەن»، - دەدى ءا. رايىمقۇلوۆا.

ونىڭ ايتۋىنشا، وقيعادان 2009، 2011، 2013، 2017، 2020، 2021-جىلدارى تۋعان بالالار زارداپ شەككەن. بالالاردىڭ جاعدايى - ءبىرقالىپتى. ولار قازىر مەديتسينالىق تەكسەرۋدەن ءوتىپ جاتىر.

«بۇل وتباسى قىركۇيەك ايىندا قىزىلوردا وبلىسىنان نۇر-سۇلتان قالاسىنا كوشىپ كەلگەن. وعان دەيىن بۇل ۋاقىتشا عيماراتتا باسقا وتباسى تۇرعان، ءۇي اۋماعىندا پروفيلاكتيكالىق تەكسەرۋ جۇرگىزىلگەن. مۇنداي فاكتىلەردىڭ بارلىعى بىزدە تىركەلەدى. حالىقتىڭ الەۋمەتتىك وسال توپتارىنا كوبىرەك كوڭىل بولۋگە، پەشتەگى جارىقتار مەن بۇزۋشىلىقتاردى جويۋ ءۇشىن دەمەۋشىلەر تارتۋعا تىرىسامىز. مۇنىڭ ءبارى اۋا رايى جىلى ۋاقىتتا جاسالادى»، - دەدى ءا. رايىمقۇلوۆا.

سوڭعى جاڭالىقتار