جۇمىس ىستەۋ ونىمدىلىگىن ازايتاتىن 6 ادەت

نۇر-سۇلتان. قازاقپارات - كەيدە ادەتتە ىستەپ جۇرگەن جۇمىسىڭدى ورىنداۋعا كۇش تابا المايتىن ساتتەر بولادى.

وعان جۇمىستار مەن مىندەتتەر ودان سايىن قوسىلا بەرەدى. بۇل جاعدايدان شىعۋ ءۇشىن ەنەرگەتيكالىق تونۋس پەن ىسكەرلىك ەپتىلىكتى قايتارۋ كەرەك. ول ءۇشىن نە ىستەۋ كەرەك جانە ونىمدىلىك نەدەن ءتۇسىپ كەتۋى مۇمكىن؟

1. ۇنەمى ۇيالى تەلەفوندى تەكسەرۋ

كوپشىلىك ادامدا ۇيالى تەلەفوندى ءجيى تەكسەرە بەرۋ ادەتى پايدا بولادى. ادام بۇل ادەتىمەن ماڭىزدى نارسەنى، مىسالى، قانداي دا ءبىر حابارلامانى كورمەي قالۋىن سىلتاۋراتادى. الايدا مۇنداي ادەتتىڭ نەگىزگى سەبەبى — الاڭداۋ نەمەسە ۋاقىتتى سوزۋ. سوندىقتان ماڭىزدى شارۋالاردى ورىنداۋ كەزىندە ۇيالى تەلەفوندى ءسوندىرىپ تاستاڭىز نەمەسە كوزگە كورىنبەيتىن جەرگە قويىڭىز. سونداي-اق قوسىمشالار مەن حاتتار حابارلاماسىن ۋاقىتشا سوندىرە تۇرىڭىز.

2. وتە كوپ جۇمىس ىستەۋ

مىسالى، موينىڭىزدا ءالى اياقتالماعان 2 جوبا بار بولسا، تاعى دا بىرەۋىن الۋعا كەلىسۋدىڭ قاجەتى جوق. ەگەر كۇندە تاڭەرتەڭ ۇيقىدان ساعات 8 دە تۇرۋعا ۇيرەنگەن بولساڭىز، تاڭعى 6 عا يوگاعا جازىلۋدىڭ كەرەگى جوق. كوپشىلىك ادام وزىنە بىردەڭەنى دالەلدەۋ ءۇشىن نەمەسە «جوق» دەي المايتىنى ءۇشىن موينىنا جاۋاپكەرشىلىكتى كوبىرەك الادى. سودان سوڭ ەشتەڭەگە ۇلگەرمەسە، كۇيزەلىسكە ۇشىرايدى. سونىڭ كەسىرىنەن ونىڭ ونىمدىلىگى ازايادى. سوندىقتان قانداي دا ءبىر ىسكە كەلىسپەس بۇرىن ورىنداۋ كەرەك جۇمىستار ءتىزىمىن قاراپ الىڭىز. مىندەتىڭىزگە كىرمەسە جانە ۋاقىتىڭىز بولماسا، كەي ۇسىنىستارعا «جوق» دەپ ايتىپ ۇيرەنىڭىز.

3. ۇيقىنىڭ قانباۋى

كەي ادامدارعا (كوبىنە، ەكستراۆەرتتەرگە) كۇندىز از ۋاقىت ۇيىقتاپ الۋ شىنىمەن دە كومەكتەسەدى. ءبىراق تۇندە شالا ۇيىقتاپ، سونىڭ ورنىن كۇندىز تولتىرۋ ماقساتىندا تۇستەن كەيىن ۇيىقتاپ العىڭىز كەلسە، ول ونىمدىلىكتى ارتتىرمايدى، كەرىسىنشە، بوساڭسىتىپ، ماڭىزدى ىستەردى كەيىنگە قالدىرۋعا يتەرمەلەيدى.

تۇنگى ۇيقىنىڭ ادام اعزاسى ءۇشىن ماڭىزى زور. سوندىقتان ەرتە جاتىپ، ەرتە تۇرۋدى ادەتكە اينالدىرىڭىز. جۇمىس ىستەپ وتقان كەزدە ءسال دەمالىپ الۋ ءۇشىن ديۆانعا نە كرەسلوعا جاتۋدىڭ قاجەتى جوق. ونىڭ ورنىنا بەلسەندى بىردەڭە جاساڭىز. مىسالى: كوڭىلدى ءان تىڭداۋ، سۋ ءىشۋ، جاتتىعۋ جاساۋ جانە ت. ب.

4. جۇمىس ۇستەلىن رەتتەمەۋ

بۇل اينالاڭىزدا ءبىر شاڭ بولماۋ كەرەك دەگەن ءسوز ەمەس. وزىڭىزگە ارنالعان رەتتىلىكتىڭ ستاندارتىن ويلاپ، سونى ساقتاۋعا تىرىسىڭىز: ول ءار ادام ءۇشىن ءارتۇرلى بولادى. جۇمىس ورنىڭىز شاشىلىپ تۇرسا، ول ونىمدىلىگىڭىزدىڭ تومەندەۋىنە ىقپال ەتەدى. سول ءۇشىن كۇندە جۇمىس باستالاردا نەمەسە اياقتالعاندا 10 مينۋت ۋاقىت ءبولىپ، اينالاڭىزدى رەتكە كەلتىرىپ قويىڭىز. جۇمىس جاسايتىن جەردە تاماق ىشپەۋگە تىرىسىڭىز. ارتىق زاتتاردى سالاتىن ورىن نەمەسە ولاردى ساقتايتىن ءادىس تابىڭىز.

5. دۇرىس تاماقتانباۋ

ءتۇرلى قاتاڭ ديەتالار ادامنىڭ ەنەرگياسى مەن كۇشىنىڭ ازايۋىنا ىقپال ەتەدى. ءسىزدىڭ مەتابوليزمدى سىزدەن باسقا ەشكىم جاقسى بىلمەيدى. تابيعي ەرەكشەلىگىڭىزگە ءمان بەرىڭىز. ەگەر ءسۇتتى ونىمنەن ءىشىڭىز كەپسە، نان ونىمدەرىنەن اۋىرلىق سەزىنسەڭىز، ال قۋىرىلعان تاماقتان سوڭ ۇيقىڭىز كەلسە، تۇجىرىم جاساڭىز. كەڭسەگە تاماقتى ۇيدەن دايىنداپ اكەلىڭىز. پايدالى تىسكەباسارلار (جەمىستەر، جاڭعاقتار) جەڭىز جانە كوپ سۋ ءىشىڭىز.

6. ءوزىڭىزدى باسقالارمەن سالىستىرۋ

ءوزىڭىزدى باسقامەن سالىستىرا بەرسەڭىز، كۇيزەلىستىك جاعدايعا تۇسەسىز. سونىڭ سەبەبىنەن جۇمىس ىستەۋ ونىمدىلىگىڭىز تومەندەپ كەتەدى. ءوزىڭىزدى باسقامەن سالىستىرىپ، وزىڭىزگە كوڭىلىڭىز تولماي ءجۇرۋدىڭ ورنىنا بىرەۋدىڭ جەتىستىگىنەن موتيۆاتسيا الىڭىز. الەۋمەتتىك جەلىلەردە باسقالاردىڭ ءومىرىن ونلاين باقىلاۋدى قويىڭىز، وزىڭىزگە جاڭا قىزىعۋشىلىقتار تابىڭىز جانە وقۋدى توقتاتپاڭىز. ءسىز ءۇشىن شىن قۋانا الاتىن ادامدارمەن كوبىرەك ارالاسىڭىز.

massaget.kz