+7 (701) 759 90 19
USD 426.01 EUR 493.75
RUB 6.05 CNY 66.62
جاڭالىقتار

سوتتالعاندى ولتىرگەن: وسكەمەندە تۇرمەنىڭ 6 قىزمەتكەرى بوستاندىعىنان ايىرىلدى

14 قازان 15:29
:ءبولىسۋ
سوتتالعاندى ولتىرگەن: وسكەمەندە تۇرمەنىڭ 6 قىزمەتكەرى بوستاندىعىنان ايىرىلدى

وسكەمەن. قازاقپارات - وسكەمەن قالاسىندا تۇرمە قىزمەتكەرلەرى جازاسىن وتەپ جاتقان ازاماتتى ازاپتاپ ءولتىرىپ، قىلمىستى جاسىرۋ ءۇشىن ونى سۋيتسيد جاساعانداي كورسەتكەن، دەپ حابارلايدى قازاقپارات ءتىلشىسى.

وسكەمەن قالالىق №2 سوتى باسپا ءسوز قىزمەتىنىڭ مالىمەتىنشە، ش ق و بويىنشا قىلمىستىق- اتقارۋ جۇيەسى دەپارتامەنتىنىڭ 6 قىزمەتكەرىنە قاتىستى ق ر ق ك- ءنىڭ 146-بابى 3-بولىگىنە (سوتتالعان ادامدى ازاپتاپ، ابايسىزدا ءولتىرۋ) سايكەس ءىس قارالدى. سونداي- اق بوپسالاۋ، قىزمەت بابىن اسىرا پايدالانۋ ارقىلى پارا العان ا. ەسىمدى ازامات سوتتالدى.

«2019 -جىلدىڭ 18 - ماۋسىمىندا وۆ-156/2 مەكەمەسىنىڭ قىزمەتكەرلەرى الدىن الا ءسوز بايلاسىپ، جابىرلەنۋشى ك. -نى ۇرىپ- سوققان. اۋىر دارەجەدەگى دەنە جاراقاتىن العان ەر ادام سول جەردە كوز جۇمدى. ءوز قىلمىستارىن جاسىرۋ ءۇشىن ولار تاعى ەكى سوتتالعاندى ماجبۇرلەپ، ءمايىتتى تارتىپتىك يزولياتور كامەراسىنا جەتكىزدى. پوليتسيا قىزمەتكەرلەرىنە ك- نىڭ ءوز- وزىنە قول جۇمساعاندىعىن ايتقان»، - دەلىنگەن اقپاراتتا.

ال ا. ەسىمدى تۇرمە قىزمەتكەرىنىڭ 2018 -جىلدىڭ 14- ماۋسىمىندا سوتتالعان ادامنىڭ اناسىنان پارا رەتىندە اۆتوكولىكتىڭ 76000 تەڭگەلىك جازعى شينالارىن العانى انىقتالدى. سونداي- اق ول سوتتالعاندى ءوز تۋىسىنىڭ ۇيىندە باسپالداق جاساۋعا ماجبۇرلەگەن.

«سوت ۇكىمىمەن سوتتالعاندى ولتىرگەن تۇرمەنىڭ 6 قىزمەتكەرى 5, 7 جانە 8 جىلعا باس بوستاندىقتارىنان ايىرىلدى. ال پارا العان ايىپتالۋشى 7 جىل مەرزىمگە تەمىر تورعا قاماۋعا الىندى. سوتتالۋشىلاردىڭ بارلىعى مەملەكەتتىك قىزمەتتە جانە قۇقىق قورعاۋ ورگاندارىندا جۇمىس ىستەۋ قۇقىعىن 3 جىلعا جوعالتتى»، - دەلىنگەن حابارلامادا.

اۆتور: تالعاتجان مۇحامەتبەك ۇلى



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات