+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

قىتاي كينوتەاترلارى بيىل 6 ميلليارد دوللار پايدا تاپتى

13 قازان 16:27
:ءبولىسۋ

نۇر- سۇلتان. قازاقپارات - پاندەميا كەزىندە اقساپ قالعان سالانىڭ ءبىرى - كينو ءوندىرىسى. ءبىراق ورايىن تاۋىپ پايداعا كەنەلىپ جاتقاندارى دا بار ەكەن، دەپ حابارلايدى «حابار 24».

قىتاي كينوتەاترلارىنىڭ بيىلعى كىرىسى - 6 ميلليارد دوللار. تەك وتكەن دەمالىس كۇندەرىنىڭ وزىندە كاسساعا 680 ميلليون دوللار تۇسكەن. وسىلايشا قىتاي الەمدەگى ەڭ ءىرى كينو نارىق بولىپ وتىر. الەمدىك كينويندۋستريا ىندەت سالدارىنان ءالى دە ايىعا الماي جاتقاندا، قىتايدا كينو كورسەتىلىمدەرى رەكورد ورناتىپ جاتىر. ءبىر قىزىعى، ەڭ كوپ كاسسا جيناعاندار - وتاندىق فيلمدەر.

«چوسين سۋ قويماسى تۇبىندەگى شايقاس» وتكەن مەرەكە كۇندەرى رەيتينگتە كوش باستادى. كينوتۋىندى ءبىر اپتادا 635 ميلليون دوللار كاسسا جيناعان.

جاو شۋگۋان، قىتاي كينو سىنشىلار قاۋىمداستىعىنىڭ پرەزيدەنتى:

- «چوسين سۋ قويماسى تۇبىندەگى شايقاس» فيلمىنىڭ تۇسىرىلىمىنە 1,4 ميلليارد يۋان كەتتى. بۇل ۇزدىك امەريكالىق تۋىندىلاردىڭ بيۋدجەتىمەن بىردەي. وسىدان- اق جەرگىلىكتى كينەماتوگرافيستەر مەن كينو نارىعىنىڭ الەۋەتىن بايقاۋعا بولادى. قىتاي كينويندۋسترياسىن ودان ءارى دامىتۋ ءۇشىن بىزگە وسىنداي فيلمدەردى ارى قاراي تۇسىرە بەرۋ كەرەك.

قىتايدا مەرەكە سايىن وتاندىق فيلمدەردىڭ تۇساۋكەسەرى وتەدى. كومەديا، تاريحي درامالارعا ميلليونداعان كورەرمەن تارتىلادى. ماسەلەن، جىل اياقتالماسا دا، ءبىر ميلليارد بيلەت ساتىلىپ كەتكەن. جالپى قىتايدىڭ كينو نارىعى جاقسى قورعالعان. جىلدا ەل كينوتەاترلارىندا 40-قا جۋىق گولليۆۋد فيلمى كورسەتىلەدى. ءبىراق سەنزۋراعا بايلانىستى كەي كادرلار الىنىپ تاستالادى. ال وتاندىق ءونىم حالىقتىڭ پاتريوتتىق رۋحىن كوتەرۋگە باعىتتالعان.

بليتس:

- كينوعا بارعاندى جاقسى كورەمىز. سوڭعى رەت «چوسين سۋ قويماسى تۇبىندەگى شايقاسقا» باردىق.

- كينوعا ءجيى بارىپ تۇرامىز. سوڭعى كورگەن تۋىندىلاردىڭ ءبىرى - «چوسين سۋ قويماسى تۇبىندەگى شايقاس». نەگىزى وتاندىق فيلمدەر بىزگە قاتتى ۇنايدى. ولاردىڭ ساپاسى جىلدان- جىلعا جاقسارىپ كەلەدى.

The Hollywood Reporter كەلتىرگەن دەرەككە سايكەس، قىتاي 2020 -جىلى الەمدەگى ەڭ ءىرى كينو نارىق اتانعان. دەسە دە كوروناۆيرۋس پاندەمياسى قىتاي نارىعىنا دا اسەر ەتتى. ماسەلەن، بيىلعى كاسسالىق جيناق 2019 -جىلدان الدەقايدا تومەن. ءبىراق سوعان قاراماستان، جەرگىلىكتى كينو سالاسى قارقىندى دامىپ كەلەدى.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات