نۇر- سۇلتاندا تاۋلىگىنە 6 مىڭ ادام ۆاكسينا الىپ جاتىر
بۇل تۋرالى ەلوردانىڭ سانيتارلىق- ەپيدەميولوگيالىق باقىلاۋ دەپارتامەنتى ايتىپ بەردى، دەپ حابارلايدى قازاقپارات.
«قازىرگى ۋاقىتتا ۆاكسينالاۋ ءوزىڭىزدى كوروناۆيرۋستان قورعاۋدىڭ ەڭ ءتيىمدى ءادىسى بولىپ قالا بەرەدى. ۋاقىتىلى ۆاكتسينا الۋ ءوزىڭىزدى جانە باسقالاردى اۋرۋدان جانە ونىڭ سالدارىنان قورعاۋعا كومەكتەسەدى. جالپى، نۇر- سۇلتان قالاسى بويىنشا تاۋلىگىنە ورتا ەسەپپەن 5000-6000 ادامعا ەكپە جاسالادى. بيىلعى 30-شىلدەدەگى جاعداي بويىنشا اقپان ايىنان باستاپ بارلىعى ءبىرىنشى كومپونەنتتى - 335464 ادام، ەكىنشى كومپونەنتتى - 238 321 ادام سالدىردى»، - دەپ حابارلادى دەپاراتمەنت.
قالا بويىنشا مەديتسينالىق ۇيىمداردا 83 ەگۋ كابينەتى جۇمىس ىستەيدى، سونداي- اق «Mega Silk Way» س و و، «حان- شاتىر» س و و، «كەرۋەن» س و و، «ءابۋ دابي پلازا» س و و، «ازيا پارك»، «سارىارقا» س و و، «ەۋرازيا» ساۋدا ءۇيى جانىندا قوسىمشا 8 ۋاقىتشا ەگۋ پۋنكتى ورنالاسقان.
بارلىق ۋاقىتشا ەگۋ پۋنكتتەرىنىڭ سانيتارلىق- ەپيدەميولوگيالىق دايەكتەمەلەرى بار.
ايتا كەتەيىك، كوروناۆيرۋس جاعدايىن ورتاشا تاۋلىكتىك تىركەۋ ماۋسىم ايىندا 340 بولسا، شىلدە ايىندا 1500 گە دەيىن ءوستى. سوڭعى 16 كۇندە تاۋلىگىنە 1500 دەن استام جاعداي تىركەلۋدە. سونىمەن بىرگە، دەپارتامەنت تۇرعىندار كوروناۆيرۋس جۇقتىراتىن نەگىزگى ورىنداردى اتادى.
تالداۋ جۇمىستارى كورسەتكەندەي، بازارلاردا ۆيرۋس جۇقتىرۋ %8- دان %12 عا، ساۋدا نىساندارىندا %18 دان %23 عا، كەڭسەلەردە -%12- دان %17 عا، ساياباقتار مەن دەمالىس ايماقتارىندا - %14- دان % 18- عا ارتقان.