+7 (701) 759 90 19
14 °С : نۇر-سۇلتان
24 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

قازاقستاننىڭ 6 وبلىسىندا قوقىس ورتەيتىن زاۋىت سالىنادى

14 ماۋسىم 16:29
:ءبولىسۋ
قازاقستاننىڭ 6 وبلىسىندا قوقىس ورتەيتىن زاۋىت سالىنادى

نۇر- سۇلتان. قازاقپارات - ەلىمىزدىڭ 6 وڭىرىندە قوقىس ورتەيتىن زۋاتى سالىنادى، دەپ حابارلايدى قازاقپارات ءتىلشىسى.

بۇل تۋرالى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعالييەۆ حالىق الدىنداعى ەسەپتىك كەزدەسىندە ايتتى.

«تۇزىلەتىن قالدىقتاردىڭ كولەمىن قىسقارتۋ ءۇشىن «Waste to Energy» قالدىقتاردى ەنەرگەتيكالىق كادەگە جاراتۋ تەتىگىن ەنگىزۋ جونىندەگى زاڭ قابىلداندى. قوقىس جاعاتىن زاۋىتتار سالۋ ءۇشىن التى قالا بەلگىلەندى. ولار: نۇر- سۇلتان، اقتوبە، الماتى، شىمكەنت، قاراعاندى جانە وسكەمەن. اكىمدىكتەر زاۋىت قۇرىلىسىنا قاجەت جەر تەلىمدەرىن ءبولدى. ەنەرگيا بەرۋشى ۇيىمنان ەلەكتر جەلىسىنە قوسۋدىڭ تاياۋ نۇكتەلەرىن بەكىتتى. ەنەرگيا ءوندىرۋشى ۇيىمداردىڭ تىزبەسىن قالىپتاستىرۋ ءۇشىن اۋكتسيوندى وتكىزۋگە قۇجاتتاردى قابىلداۋ باستالدى. ەكىنشى جارتىجىلدىقتا قورىتىندى شىعارامىز»، - دەدى ۆەدومستۆو باسشىسى.

مينيستر رۇقسات ەتىلمەگەن قوقىس پوليگوندارىنىڭ پروبلەماسىنا دا توقتالدى.

«عارىشتىق مونيتورينگ اياسىندا جىل سايىن سەگىز مىڭعا جۋىق قوقىس ۇيىندىلەرى انىقتالادى. بۇل رەتتە، زاڭسىز قوقىس ۇيىندىلەرى ماسەلەسىن جۇيەلى شەشۋ ءۇشىن جاڭا ەكولوگيا كودەكسىندە قوقىس شىعاراتىن كولىكتەرگە GPS- داتچيكتەردى مىندەتتى تۇردە ورناتۋ ماسەلەسى كوزدەلگەن. قالدىقتاردى قايتا وڭدەۋمەن جانە كادەگە جاراتۋمەن اينالىساتىن كاسىپورىندار ءۇشىن ليسەنزيالاۋ جانە قوقىس شىعاراتىن ۇيىمدار ءۇشىن حابارلاما جاساۋ ءتارتىبى ەنگىزىلدى»، - دەدى مينيستر.

اۆتور: ەسىمجان ناقتىباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات