ۇ ب ت: پەتروپاۆلدا 6 وقۋشىنىڭ تەست ناتيجەسى جارامسىز دەپ تانىلدى
س ق و بويىنشا ءبىلىم بەرۋ سالاسىندا ساپانى قامتاماسىز ەتۋ دەپارتامەنتىنىڭ مالىمەتىنشە، ۇ ب ت- نىڭ ەكىنشى كەزەڭى العاش رەت «1 تەست تاپسىرۋشى - 1 كومپيۋتەر - 1 كامەرا» قاعيداسى بويىنشا ەلەكتروندىق فورماتتا ۇيىمداستىرىلدى.
قاجەتتى ورىنمەن «U- Future « ج ش س قامتاماسىز ەتتى. س ق و- دا وسىنداي ءۇش پۋنكت جاراقتاندىرىلعان. ولار: پەتروپاۆلدا، نوۆويشيمكا جانە تايىنشا ەلدىمەكەندەرىندە ورنالاسقان. تەست تاپسىرۋشىلار سىناقتان ءوتۋ ورىنى مەن ۋاقىتىن وزدەرى تاڭدادى.
«ءبىزدىڭ دەپارتامەنتتىڭ قىزمەتكەرلەرى پەتروپاۆلداعى پۋنكتتە بولىپ، ۇ بت - عا باقىلاۋشى رەتىندە قاتىستى. مۇندا 27 كۇننىڭ ىشىندە 1332 ادام تەستىلەۋدەن ءوتتى. سولاردىڭ التاۋى ەمتيحانعا تىيىم سالىنعان زاتتاردى الىپ كىرگەن. سالدارىنان بۇل بالالاردىڭ تەست ناتيجەسىنىڭ كۇشى جويىلدى»، - دەيدى س ق و بويىنشا ءبىلىم بەرۋ سالاسىندا ساپانى قامتاماسىز ەتۋ دەپارتامەنتىنىڭ جەتەكشىسى ايناگۇل سۇراعانوۆا.
بۇل جولى ۇ ب ت- دان وتكەندەر تەستتىڭ ناتيجەسىمەن جوعارى وقۋ ورىندارىنا اقىلى بولىمگە تۇسە الادى.
«15 -ءساۋىر مەن 30-ماۋسىم ارالىعىندا ۇ ب ت- نىڭ كەلەسى كەزەڭى باستالادى. بۇل جولى تەست تاپسىرۋشىلاردىڭ ەكى رەت ارەكەتتەنۋگە مۇمكىندىكتەرى بار. ياعني ەكى رەت تاپسىرىپ، سونىڭ ۇزدىك ناتيجەسىمەن ءبىلىم گرانتىن الۋعا بايقاۋعا قاتىسا الادى»، - دەيدى ايناگۇل سۇراعانوۆا.