قوسشىدا جوعالعان 6 جاسار قىز تابىلدى

كوكشەتاۋ. قازاقپارات - اقمولا وبلىسىنىڭ قوسشى اۋىلىندا جوعالعان 6 جاسار قىز بالا ەلوردادان تابىلدى، دەپ حابارلايدى قازاقپارات ءتىلشىسى وبلىستىق پ د باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، سەلينوگراد اۋداندىق پ ب كەزەكشىلىك بولىمىنە قوسشى اۋلىنىڭ تۇرعىنى ايەل حابارلاسىپ، پسيحيكالىق دەرتكە شالدىققان 23 جاستاعى ۇلى ۇيدەن 6 جاستاعى قارىنداسىن ەرتىپ بەلگىسىز باعىتتا كەتىپ قالعانىن ايتقان.

بۇل تۋرالى ايەل الەۋمەتتىك جەلىگە جازبا قالدىرىپ، جەلى قولدانۋشىلاردان كومەك تە سۇرادى.

«پوليتسيا قىزمەتكەرلەرى بىرنەشە توپقا ءبولىنىپ، ىزدەستىرۋ شارالارىن قولعا الدى. ناتيجەسىندە جاس جىگىت پەن قىز بالا نۇر-سۇلتان قالاسىنداعى «ەۋرازيا» ساۋدا ءۇيىنىڭ ماڭىندا جۇرگەنى انىقتالدى»، - دەدى ۆەدومستۆودان.

پ د باسپا ءسوز قىزمەتىنەن اتاپ وتكەندەي، قازىرگى كەزدە جوعالعان قىز اناسىمەن قاۋىشتى. ونىڭ ومىرىنە ەش قاۋىپ ءتونىپ تۇرعان جوق. ال، ونىڭ 23 جاستاعى اعاسىنا قاتىستى پسيحونيەۆرولوگيالىق ديسپانسەرگە ورنالاستىرۋ ماسەلەسى قارالۋدا.