بيىل 6 ميلليونعا جۋىق قازاقستاندىق ك ۆ ي- گە قارسى ۆاكسينا قابىلدايدى
نۇر-سۇلتان. قازاقپارات - بيىل 6 ميلليونعا جۋىق قازاقستاندىق كوروناۆيرۋسقا قارسى ۆاكسينا قابىلدايدى.
بۇل تۋرالى بۇگىن ق ر دەنساۋلىق ساقتاۋ مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى الەكسەي سوي ايتتى، دەپ حابارلايدى قازاقپارات ءتىلشىسى.
«قازاقستاندا جەكە ۆاكسينا ازىرلەۋشىلەر، سونداي-اق ۆاكتسينا وندىرۋگە ارنالعان وقشاۋلانعان الاڭ بار - بۇل ۆاكسينامەن قامتاماسىز ەتۋگە بايلانىستى تاۋەكەلدەردى بارىنشا ازايتۋ جانە رەسپۋبليكامىزداعى ەپيدەميولوگيالىق احۋالدى تۇراقتاندىرۋعا ايتارلىقتاي اسەر ەتەدى. وسىلايشا، 2021-جىلى ءبىز 6 ميلليون استام ادامدى ەگۋدى جوسپارلاپ وتىرمىز»، - دەدى الەكسەي سوي.
سونىمەن قاتار، مينيستر رەسەيلىك «سپۋتنيك V» ۆاكسيناسى رەكوردتىق مەرزىمدە ساتىپ الىنعانىن ەسكە سالدى. بۇگىندە ول قاراعاندى فارماتسيەۆتيكالىق كەشەنىنىڭ بازاسىندا وندىرىلۋدە.
«وتاندىق تاۋاردى جەتكىزۋ بەكىتىلگەن كەستەگە سايكەس - بيىل 24- اقپاندا باستالدى. سونىمەن قاتار، بيىل ءساۋىر ايىندا ق ر ب ع م عىلىم كوميتەتىنىڭ بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى ازىرلەگەن - وتاندىق «QazCovid-in» ۆاكسيناسىن قولدانۋ جوسپارلانعان»، - دەدى ول.
ونىڭ ايتۋىنشا، دەنساۋلىق ساقتاۋ مينيسترلىگى پروفيلاكتيكالىق ەگۋگە ارنالعان ۆاكسينانى تاسىمالدالداعاندا سالقىن جەردە ساقتاۋ ماسەلەلەرى بويىنشا ستاندارتتى وپەراتسيالىق راسىمدەردى ازىرلەدى جانە بەكىتتى. 2 مىڭنان استام مەديتسينا قىزمەتكەرلەرى ك ۆ ي- گە قارسى ۆاكسيناتسيا تاكتيكاسى، ۆاكسيناتسيانىڭ قاۋىپسىزدىگى مەن تيىمدىلىگىن قامتاماسىز ەتۋ بويىنشا وقىتىلدى.