10:31, 28 - قاڭتار 2021 | GMT +6
كوروناۆيرۋس: 6 وبلىس پەن ەكى قالا ءالى دە «قىزىل» ايماقتا تۇر
نۇر-سۇلتان. قازاقپارات - دەنساۋلىق ساقتاۋ مينيسترلىگى 28- قاڭتارداعى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات ءتىلشىسى.
28- قاڭتارداعى ەپيدەميولوگيالىق احۋالدى باعالاۋ ماتريتساسى 27- قاڭتارداعى كورسەتكىشتەن وزگەرگەن جوق. ياعني، قازاقستاننىڭ 6 وبلىسى مەن 2 قالاسى ءالى دە «قىزىل» ايماقتا تۇر.
ولار:
اقمولا، پاۆلودار، اتىراۋ، قوستاناي، سولتۇستىك قازاقستان، باتىس قازاقستان وبلىستارى مەن نۇر-سۇلتان جانە الماتى قالالارى. ال «سارى» ايماقتا قاراعاندى بار.
جالپى قازاقستان اۋماعى «قىزىل» ايماقتا ورنالاسقان. قالعان وڭىرلەر، اتاپ ايتقاندا 7 وبلىس پەن 1 قالا - «جاسىل» ايماقتا.