كوروناۆيرۋس: نۇر-سۇلتانمەن قاتار 6 وبلىس ءالى دە «قىزىل» ايماقتا تۇر

نۇر-سۇلتان. قازاقپارات - دەنساۋلىق ساقتاۋ مينيسترلىگى 22- قاڭتارداعى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات ءتىلشىسى.

22- قاڭتارداعى ەپيدەميولوگيالىق احۋالدى باعالاۋ ماتريتساسىنا سايكەس، قازاقستاننىڭ 6 وبلىسى مەن 1 قالاسى ءالى دە «قىزىل» ايماقتا تۇر.

ولار:

اقمولا، پاۆلودار، اتىراۋ، قوستاناي، سولتۇستىك قازاقستان، باتىس قازاقستان وبلىستارى مەن نۇر-سۇلتان قالاسى.

ال «سارى» ايماقتا قاراعاندى، الماتى وبلىسى مەن الماتى قالاسى بار. قالعان وڭىرلەردىڭ ءبارى دە «جاسىل» ايماقتا ورنالاسقان.

ال جالپى قازاقستان حالىقارالىق دەڭگەيدە ىندەت قاۋپى جاعىنان «سارى» ايماققا ەنگىزىلگەن.