قازاقستاندا بيىل 6 ميلليون ادامعا كوروناۆيرۋسقا قارسى ۆاكسينا سالۋ كوزدەلگەن
بۇل تۋرالى ۇكىمەت وتىرىسىندا دەنساۋلىق ساقتاۋ ءمينيسترى الەكسەي سوي ءمالىم ەتتى، دەپ حابارلايدى قازاقپارات ءتىلشىسى.
«جىل سوڭىنا دەيىن 6 ميلليونعا جۋىق قازاقستاندىق ازاماتقا ۆاكتسينا سالۋ كوزدەلگەن. ۆاكسينالاردىڭ ساپاسىن قامتاماسىز ەتۋ ءۇشىن وندىرۋشىدەن مەديتسينا ۇيىمدارىنا دەيىن ارنايى ستاندارت جاۋاپكەرشىلىك جۇكتەلەتىن ازاماتتاردى بەلگىلەيدى»، - دەدى دەدى الەكسەي سوي ۇكىمەت وتىرىسىندا.
ۆاكسينانى جەتكىزۋ لەگى 4 كەزەڭنەن تۇرادى.
• ءبىرىنشى كەزەڭ - وندىرۋشىدەن ءبىرىڭعاي ديستريبيۋتوردىڭ قويماسىنا دەيىن جەتكىزۋ؛
• ەكىنشى كەزەڭ - ءبىرىڭعاي ديستريبيۋتوردىڭ قويماسىنان دەنساۋلىق ساقتاۋ باسقارمالارىنىڭ ءدارىحانالىق قويماسىنا دەيىن جەتكىزۋ؛
• ءۇشىنشى كەزەڭ - دەنساۋلىق ساقتاۋ باسقارمالارىنىڭ ءدارىحانالىق قويماسىنان اۋداندار مەن قالالاردىڭ مەديتسينا ۇيىمدارىنا دەيىن جەتكىزۋ؛
• ءتورتىنشى كەزەڭ - مەديتسينا ۇيىمدارىندا وسى ۆاكسينالاردى ساقتاۋ. ايتا كەتەيىك، بۇعان دەيىن مينيستر ۆاكسينا 1 -اقپاننان باستاپ ەگىلەتىنىن جانە ەڭ الدىمەن كىمدەرگە سالىناتىنىن ايتقان بولاتىن.