كوكشەتاۋدا گاز باللونى جارىلىپ، 6 بالا اۋرۋحاناعا جەتكىزىلدى

None
None
كوكشەتاۋ. قازاقپارات - كوكشەتاۋدا تۇرمىستىق گاز جارىلىسىنان كەيىن 11 ادام قۇتقارىلدى، دەپ حابارلايدى قازاقپارات.

20- جەلتوقسان 21:14 كەزىندە كوكشەتاۋ قالاسىندا ۆاسيلكوۆسكي مولتەك اۋدانىنداعى كوپقاباتتى ۇيدە ءبىرىنشى قاباتتا گاز بالونى جارىلدى. ءورت شىققان جوق. ءورت سوندىرۋشىلەر كەلگەنگە دەيىن كورشىلەر مەن كۋاگەرلەر التى بالا مەن ەكى ەرەسەك ادامدى قۇتقاردى.

بۇل تۋرالى ق ر ت ج م رەسمي وكىلى تالعات ءۋالي مالىمدەدى.

جارىلىس ءبىرىنشى قاباتتاعى پاتەرلەردىڭ بىرىندە بولدى. الدىن الا اقپارات بويىنشا پاتەردە ەكى وتباسى تۇرعان. پاتەر يەسى كوشەدەن ءتورت ليترلىك گاز بالونىن الىپ كەلگەن.

ايتا كەتۋ كەرەك، كوپقاباتتى ءۇي ورتالىقتاندىرىلعان گازبەن جابدىقتاۋ جۇيەسىنە قوسىلعان. ءۇي يەسىنىڭ نەلىكتەن ۇيگە گاز باللوندى پاتەرگە كىرگىزگەنى انىقتالۋدا. زارداپ شەككەن بالالار شۇعىل تۇردە وبلىستىق بالالار اۋرۋحاناسىنا جاتقىزىلدى.

جەدەل جاردەم كولىگىندە ەكى ەرەسەك ادام وبلىستىق اۋرۋحاناعا جەتكىزىلدى. وقيعا ورنىندا ت ج د 21 قىزمەتكەرى، جەتى تەحنيكا، توعىز پوليتسيا قىزمەتكەرى جانە ءۇش جەدەل جاردەم كولىگى جۇمىس ىستەدى.

اقمولا وبلىسىنىڭ ت ج د گاز بالوندارىن پايدالانۋ كەزىندە ءورت قاۋىپسىزدىگى ەرەجەسىن ساقتاۋ قاجەتتىگىن ەسكەرتەدى.

بالونداردى تولتىرۋ تۇرمىستىق بالونداردى تولتىرۋعا ارنالعان مامانداندىرىلعان پۋنكتە عانا جۇزەگە اسىرۋ قاجەت. بالوندى سۋىقتان جىلى جەرگە كىرگىزۋگە بولمايدى. گاز كولەمى جىلىتۋ قۇرالدارىنىڭ جانىنا قويعاندا كۇرت ۇلعايادى. مۇنىڭ سالدارىنان جارىلىس بولۋى مۇمكىن.

سوڭعى جاڭالىقتار