رەفورمالاردىڭ نەگىزگى 6 باعىتىن ايقىندادىم - قاسىم-جومارت توقايەۆ

None
None
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ رەفورمالار جونىندەگى جوعارى كەڭەستە قانداي ماسەلەلەر تالقىلانعانىن ايتتى، دەپ حابارلايدى قازاقپارات.

«رەفورمالار جونىندەگى جوعارى كەڭەستىڭ ءبىرىنشى وتىرىسىن وتكىزدىم. بۇل ورگان ەكونوميكانى جاڭعىرتۋعا، قوعامدىق دامۋعا، ينستيتۋتسيونالدىق رەفورمالارعا جاڭا باعدار بەرۋگە ءتيىس. بىزگە ەل دامۋىنىڭ 2025-جىلعا دەيىنگى ستراتەگيالىق جوسپارىنا نەگىز بولۋعا ءتيىستى جاڭاشىل تاسىلدەر كەرەك» دەپ جازدى مەملەكەت باسشىسى Twitter پاراقشاسىندا.

پرەزيدەنت ءوز سوزىندە رەفورمالاردىڭ نەگىزگى 6 باعىتىن ايقىنداعان.

«ءار باعىت بويىنشا كەڭەس مۇشەلەرىنەن، سونداي-اق، حالىقارالىق جانە وتاندىق ساراپشىلاردان جۇمىس توپتارى قۇرىلادى. اتالعان توپتار مەملەكەتتىك ماڭىزى بار مىندەتتەردى شەشۋدىڭ ءتيىمدى جولدارىن ۇسىنۋى ءتيىس» دەيدى قاسىم-جومارت توقايەۆ.

ەسكە سالا كەتەيىك، كەشە پرەزيدەنت قاسىم-جومارت توقايەۆتىڭ توراعالىعىمەن «اقوردا» رەزيدەنتسياسىندا رەفورمالار جونىندەگى جوعارى كەڭەستىڭ ءبىرىنشى وتىرىسى ءوتتى.

سوڭعى جاڭالىقتار