+7 (701) 759 90 19
1 °С : نۇر-سۇلتان
7 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

پاتسيەنت قۇقىعىن قورعاۋدىڭ 6 ءادىسى قانداي؟

28 قىركۇيەك 07:55
:ءبولىسۋ
پاتسيەنت قۇقىعىن قورعاۋدىڭ 6 ءادىسى قانداي؟

نۇر-سۇلتان. قازاقپارات - الەۋمەتتىك مەديتسينالىق ساقتاندىرۋ قورىنىڭ نەگىزگى مىندەتتەرىنىڭ ءبىرى - پاتسيەنتتىڭ قۇقىعىن قورعاۋ.

وسىعان بايلانىستى قور ساراپشىلارى مەديتسينالىق كومەكتىڭ ساپاسىنا مونيتورينگ جۇرگىزەدى، سونداي-اق ناۋقاسقا نە سەبەپتەن قىزمەت كورسەتىلمەگەنىن تەكسەرەدى، دەپ حابارلايدى قازاقپارات.

مەديتسينالىق ۇيىمدا قىزمەت كورسەتۋگە قاتىستى تۇسىنىسپەۋشىلىك تۋىنداسا، كوبىنە ازاماتتار پاتسيەنت رەتىندە ءوز قۇقىعىن قورعاۋ ءۇشىن قايدا جۇگىنۋ كەرەك ەكەنىن بىلمەيدى.

سوندىقتان قور «پاتسيەنت قۇقىقىعىن قورعاۋدىڭ 6 ءتاسىلى» دەگەن جادىناما-كەڭەس دايىندادى:

- ماسەلەنى جىلدام شەشۋ ءۇشىن ءمان-جايدى سول جەردە تۇسىنۋگە تىرىسىڭىز. ول ءۇشىن ءاربىر مەديتسينالىق ۇيىمدا پاتسيەنتتى قولداۋ جانە ىشكى ساراپتاما قىزمەتى جۇمىس ىستەيدى.

ول مەديتسينالىق قىزمەتتىڭ ساپاسىن، ولاردىڭ تولىقتىعىن جانە ستاندارتتارعا سايكەستىگىن باقىلاۋ ءۇشىن قۇرىلعان.

بۇل قىزمەت مەديتسينالىق ۇيىمداعى مەديتسينالىق كومەكتىڭ ساپاسىنا جانە كلينيكالىق قىزمەتكە ىشكى تالداۋ جۇرگىزەدى، مەديتسينالىق قىزمەت كورسەتۋ ستاندارتتارى مەن ءتارتىپتىڭ بۇزىلۋىن انىقتايدى. سونداي-اق، ازاماتتاردان كەلگەن ءوتىنىش، شاعىمداردى قارايدى. سوندىقتان، ۋاقىت جوعالتپاي بىردەن پاتسيەنتتى قولداۋ قىزمەتىنە حابارلاسىپ، جاعدايدى سول جەردە شەشۋگە، كومەك پەن اقپارات الۋعا بولادى.

- ەگەر پاتسيەنتتى قولداۋ قىزمەتى تۇيىتكىلدى شەشە الماسا جانە ءسىزدىڭ ماسەلەڭىز مەديتسينالىق كومەكتى ۇيىمداستىرۋعا قاتىستى بولسا، وندا وبلىستىق نە قالالىق دەنساۋلىق ساقتاۋ باسقارماسىنىڭ بايلانىس ورتالىعىنا جۇگىنىڭىز.

بارلىق مەديتسينالىق ۇيىم دەنساۋلىق ساقتاۋ باسقارماسىنا قاراستى، سوندىقتان بايلانىس ورتالىعىنىڭ قىزمەتكەرلەرى ۇيىمعا تىكەلەي حابارلاسىپ، ماسەلەنى شەشۋگە ىقپال ەتە الادى.

- الەۋمەتتىك مەديتسينالىق ساقتاندىرۋ قورىندا كەرى بايلانىس ءۇشىن بىرنەشە ارنا بار.

مىسالى، Qoldau 24/7 ءموبيلدى قوسىمشاسى ارقىلى (Play Market جانە App Store ورناتۋعا بولادى) ءوتىنىش قالدىرۋعا بولادى.

وتىنىشكە ءنومىر بەرىلەدى، سودان كەيىن وڭدەۋگە الىنادى. ونى قور ماماندارى قارايدى. ولار مەديتسينالىق ۇيىممەن بايلانىسقا شىعىپ، اقپارات سۇراتادى، مەديتسينالىق كومەك كورسەتۋ نەمەسە كورسەتۋدەن باس تارتۋ سەبەپتەرىن تەكسەرەدى.

- تەلەفونعا قوسىمشا ورناتۋدى ۇناتپايتىندار ءۇشىن Telegram-دا Saqtandyrubot ارقىلى ءوتىنىش بەرۋ مۇمكىندىگى قاراستىرىلعان. «نەگىزگى ءمازىر» پارمەنىن باسقاننان كەيىن بىرنەشە ءبولىم بار. «1406-عا ءوتىنىش جىبەرۋ» تاڭداڭىز. بوت «ءوتىنىشتى جىبەرۋ» جانە «وتىنىشتەردىڭ تاريحىن» ۇسىنادى، وسىلايشا ءوتىنىمنىڭ مارتەبەسىن تەكسەرۋگە بولادى.

وتىنىشتە بوت كوماندالارىنا سايكەس ءوڭىر، مەديتسينالىق ۇيىمنىڭ اتاۋى جانە ماسەلەنىڭ ءمانى كورسەتىلەدى.

- 1406 ءبىرىڭعاي بايلانىس ورتالىعى تاۋلىك بويى قوڭىراۋ قابىلدايدى جانە وتىنىشتەردى ءۇش دەڭگەيلى مودەل بويىنشا قاراستىرادى. ءبىرىنشى دەڭگەيگە كونسۋلتاتسيالىق سيپاتتاعى ماسەلەلەر جاتادى. ەكىنشى جانە ءۇشىنشى - ەگجەي-تەگجەيلى زەرتتەۋدى قاجەت ەتەتىن وتىنىشتەر.

قوردىڭ ماماندارى مەديتسينالىق ۇيىممەن بايلانىسادى، اقپارات سۇراتادى، مەديتسينالىق كومەك كورسەتۋ نەمەسە كورسەتۋدەن باس تارتۋ سەبەپتەرىن تەكسەرەدى.

6. رەسمي سايت پايدالانۋشىلارعا الەۋمەتتىك مەديتسينالىق ساقتاندىرۋ قورىنىڭ fms.kz سايتىنا كىرىپ ءوتىنىش جاساعان ىڭعايلى جانە «حالىقتىق باقىلاۋ» بولىمىنەن قاجەتتى تاپسىرمانى تاڭداڭىز: شاعىمدانۋ نەمەسە ۇسىنىس قالدىرۋ.

ءبىرىنشى جاعدايدا ايماق، ەمحانا، دياگنوز، كەلۋ كۇنى، ج س ن نومەرى كورسەتىلەدى جانە شاعىمنىڭ سەبەپتەرىنىڭ ءبىرى تاڭدالادى. ۇسىنىستى بوس ورىستەرگە جىبەرگەن كەزدە باستاپقى دەرەكتەردى تولتىرىپ، ءماتىندى تۇجىرىمداۋ كەرەك.

پاتسيەنتتەردىڭ وتىنىشتەرى الەۋمەتتىك مەديتسينالىق ساقتاندىرۋ قورىنىڭ جەتكىزۋشىلەرى كورسەتەتىن مەديتسينالىق قىزمەتتەردىڭ قولجەتىمدىلىگى مەن ساپاسىنا اسەر ەتۋگە مۇمكىندىك بەرەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات