6 پايىزدىق نەسيە: كەپىل بەرۋ ماسەلەسى شەشىلۋدە
«شاعىن جانە ورتا بيزنەستى قولداۋ ءۇشىن ۇلتتىق بانك باعدارلاماسى مەن «بيزنەستىڭ جول كارتاسى-2025» بويىنشا قىزمەت تۇرلەرى كەڭەيتىلىپ، نەسيەلەۋ راسىمدەرى جەڭىلدەتىلۋدە. قازىرگى كەزدە ميكروبيزنەستى قولداۋ - ماڭىزدى ماسەلە. نەسيەلەرگە قول جەتكىزۋ جانە كەپىل ماسەلەلەرىن شەشۋ شاعىن جانە ورتا بيزنەستىڭ، اسىرەسە ميكروبيزنەستىڭ دامۋىنىڭ فاكتورى ەكەنى انىق»، - دەدى رۋسلان دالەنوۆ و ك ق- دا وتكەن باسپا ءسوز ءماسليحاتىندا.
ءمينيستردىڭ ايتۋىنشا، «بيزنەستىڭ جول كارتاسى-2025» باعدارلاماسىنا «شاعىن جانە ميكروبيزنەستى شاعىن كرەديتتەۋ» اتتى جاڭا باعىت قوسىلعان. قارجىلاندىرۋ سۋبسيديالاۋ ەسەبىنەن 6%- دان اسپايتىن مولشەرلەمە بويىنشا قولجەتىمدى بولادى. بۇگىندە مۇنداي نەسيەلەر بويىنشا مولشەرلەمەلەر جوعارى. جاڭا باعىت %6 مولشەرلەمەسى بويىنشا نەسيە الۋعا مۇمكىندىك بەرەدى. «نەسيەلەر اينالىم قاراجاتىن تولىقتىرۋعا 5 ميلليون تەڭگەگە دەيىن جانە وندىرىستىك قاجەتتىلىكتەرگە 20 ميلليون تەڭگەگە دەيىن بەرىلەتىن بولادى. قارجىلاندىرۋ كوزدەرى - بانكتەر مەن ميكروقارجى ۇيىمدارىنىڭ مەنشىكتى قاراجاتى. بۇل رەتتە كەپىل بەرۋ ماسەلەسى شەشىلۋدە. «دامۋ» قورى قارىزدىڭ نەگىزگى بولىگىنىڭ %85 نا دەيىن كەپىلدەندىرۋدى قامتاماسىز ەتەدى. بۇل ميكروبيزنەس وكىلدەرىنىڭ ۇلكەن توبىن قامتۋعا مۇمكىندىك بەرەدى»، - دەدى ول.
اۆتور: ايان بەكەن ۇلى