اتىراۋ وبلىسىنا رەسەيدەن 6 دارىگەر كومەككە كەلدى

اتىراۋ. قازاقپارات - بۇگىن نۇر- سۇلتان قالاسىنان كەلگەن رەسەيلىك دارىگەرلەردى اتىراۋ وبلىسىنىڭ اكىمى ماحامبەت دوسمۇحامبەتوۆ قابىلداپ، قالىپتاسقان احۋالدى ءتۇسىندىرىپ، جۇمىسىنا تابىس تىلەدى.

بۇل جونىندە وڭىرلىك كوممۋنيكاتسيالار قىزمەتىنە سىلتەمە جاساپ قازاقپارات حابارلايدى.

«جاعدايدى كورىپ وتىرسىزدار. ەلىمىزدە قازىر كوروناۆيرۋسپەن بىرگە پنيەۆمونيا دەرتى دە ۋشىعىپ تۇر. وسى ايدا وبلىستىق اۋرۋحانا جانىنان 400 ورىندىق ينفەكسيالىق ستاتسيونار اشىلادى، سونىمەن بىرگە قۇرمانعازى اۋدانىنان دا قوسىمشا ورىندار جاساقتالىپ جاتىر. ءبىز قاجەتتى ستاتسيونارلىق ورىنمەن، ءدارى- دارمەكپەن، قۇرال- جابدىقپەن تولىقتاي قامتاماسىز ەتەمىز. باستىسى، سول جاساقتالىپ، اشىلىپ جاتقان ورىنداردا ناۋقاستاردى ەمدەيتىن دارىگەرلەر كەرەك. جىلدار بويى كەلە جاتقان مەديتسينالىق ماماندار تاپشىلىعى قيىن كەزدە انىق بايقالدى»، - دەپ اتاپ ءوتتى اتىراۋ وبلىسىنىڭ اكىمى ماحامبەت دوسمۇحامبەتوۆ.

سونداي- اق ايماق باسشىسى جاقىن ارادا رەسەيدىڭ استراحان وبلىسىنان تاعى بەس دارىگەر مامان كەلەتىنىن دە ايتتى. «پاندەميامەن كۇرەسكە جۇمىلدىرىلعان بارلىق دارىگەرلەرگە جاعدايى جاسالعان ءارى جان- جاقتى قولداۋ جالعاسا بەرەدى»، - دەدى ول.

ۋاقىتشا ساپارمەن كەلگەن رەسەيلىك دارىگەرلەر اتىراۋدا ءۇشىنشى تامىزعا دەيىن جۇمىس ىستەيدى. ەسكە سالا كەتەلىك، بۇعان دەيىن اتىراۋ وبلىسىندا مەديتسينا سالاسىندا 278 مامان جەتىسپەيتىنىن حابارلاعان بولاتىنبىز.