+7 (701) 759 90 19
19 °С : نۇر-سۇلتان
18 °С : الماتى
USD 410.70 EUR 465.28
RUB 5.80 CNY 58.81
جاڭالىقتار

قىزىلوردادا بيىل 6 تاريحي شاھاردا قازبا جۇمىستارى جۇرگىزىلەدى

5 ماۋسىم 20:04
:ءبولىسۋ
قىزىلوردادا بيىل 6 تاريحي شاھاردا قازبا جۇمىستارى جۇرگىزىلەدى

قىزىلوردا. قازاقپارات - بيىل وبلىستا 6 تاريحي شاھارعا ارحەولوگيالىق قازبا جۇمىستارى جۇرگىزىلەدى، دەپ حابارلادى قازاقپارات ءتىلشىسى.

ەجەلگى بابىش مولا، ورتاعاسىرلىق جانكەنت، سورتوبە جانە التىن وردا داۋىرىنە جاتقىزىلعان سىعاناق، قىشقالا قالاشىقتارىندا قازبا جۇمىستارى باستالدى.

«سونىمەن قاتار، تامىز ايىندا اساناس قالاشىعىندا دا قازبا جۇمىسىن جۇرگىزۋ جوسپارلانىپ وتىر. مۇنان وزگە، «ارحەولوگيالىق جۇمىستى جۇزەگە اسىرۋ قاعيدالارى مەن شارتتارى» بەكىتىلىپ، ارحەولوگيالىق زەرتتەۋگە باقىلاۋ شارالارى مەن تالاپتارى كۇشەيتىلدى»، - دەيدى قىزىلوردا وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسى ميرا ابۋوۆا.

ايتا كەتەيىك، وڭىردە 545 تاريح جانە مادەنيەت ەسكەرتكىشى ەسەپكە الىنسا، ونىڭ 134- ءى - ارحەولوگيالىق ەسكەرتكىش.

قازىر ارحەولوگيالىق جۇمىستاردىڭ زەرتتەۋ اۋقىمى كەڭەيىپ، قازبا ءجۇرىپ جاتىر. وسى كەزگە دەيىن تابىلعان 6486 ەكسپونات مۋزەي قورىندا ساقتاۋلى. بۇل جۇمىستار الداعى ۋاقىتتا تاريحي نىسانداردى اشىق اسپان استىنداعى مۋزەيگە جانە تۋريستتىك ورتالىققا اينالدىرۋدا ۇلكەن سەپتىگىن تيگىزەدى. سونداي- اق، قىزىلوردا وبلىسىندا گەوارحەولوگيالىق زەرتتەۋ جۇرگىزىلەدى.

اۆتور: ءادىلجان ۇمبەت


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات