كوروناۆيرۋس جۇقتىرعان 6 ادامنىڭ بارلىعى شيەلى اۋدانىنان بولىپ شىقتى

قىزىلوردا. قازاقپارات - قىزىلوردا وبلىسىندا كوروناۆيرۋس ينفەكتسياسى دياگنوزى قويىلعان تاعى 6 ادامنىڭ ونى قايدان جۇقتىرعانى حابارلاندى، دەپ حابارلايدى قازاقپارات ءتىلشىسى.

قىزىلوردا وبلىستىق اكىمدىگىنىڭ مالىمەتىنە سۇيەنسەك، ولاردىڭ التاۋى دا شيەلى اۋدانىنان تىركەلگەن.

ولاردىڭ ۇلكەنى 1967-جىلعى ايەل ادام بولسا، ودان كەيىنگىلەرى 1989، 1992، 1998-جىلدارى دۇنيەگە كەلگەن. سونداي-اق، ولاردىڭ قاتارىندا 2013، 2015-جىلى ومىرگە كەلگەن قىز بالالار دا بار.

بارلىعى بۇعان دەيىن ۆيرۋس جۇقتىرعان ادامدارمەن تىعىز قارىم-قاتىناستا بولعان جانە كارانتيندىك ستاتسيونارعا جاتقىزىلعان.

قازىرگى تاڭدا جاعدايلارى قاناعاتتانارلىق. ناۋقاستار وقشاۋ ورىندا ءتيىستى ەمدەرىن قابىلداپ جاتىر.

قىزىلوردا وبلىسىندا 5- ساۋىردەگى جاعداي بويىنشا ايماقتا كوروناۆيرۋسكە شالدىققان 37 ادام ەم الۋدا.

ونىڭ التاۋى قىزىلوردا قالاسىندا تىركەلسە، اۋداندار بويىنشا جاڭاقورعاندا - 16، قارماقشىدا - 4، شيەلىدە - 11 جاعداي كەزدەستى.