بۇگىن تاعى 6 ادام كوروناۆيرۋس جۇقتىرعانى انىقتالدى
ولاردىڭ ۇشەۋى كەشە قايتىس بولعان ەر ادامنىڭ تۋىستارى بولىپ شىقتى، دەپ حابارلايدى قازاقپارات ءتىلشىسى.
بۇگىنگى كۇنى قاراعاندىدا كوروناۆيرۋس جۇقتىرعاندار سانى تاعى 6 ادامعا ۇلعايدى. ونىڭ ىشىندە ۇشەۋى - كەشە قايتىس بولعان ەر ادامنىڭ وتباسى مۇشەلەرى، ەكەۋى كارانتيندىك ستاتسيوناردا انىقتالعاندار. ولاردىڭ بارلىعى ينفەكسيالىق بوكسقا، تاعى ءبىر ادام ءۇي كارانتينىنە جاتقىزىلدى.
«ەپيدەميولوگيالىق تەكسەرۋ جۇرگىزىلۋدە. ءۇي كارانتينىندەگى ازاماتپەن بايلانىستا بولعان تۇلعالار انىقتالۋدا. قايتىس بولعان اداممەن جالپى العاندا 200 گە جۋىق ادام بايلانىستا بولعان. ونىڭ ىشىندە: 54 - پروۆيزورلىق جانە كارانتيندىك ستاتسيونارلارعا (ونىڭ ىشىندە وتباسى مۇشەلەرى)، 150 ادام - ءۇي كارانتينىنە جاتقىزىلعان»، - دەپ حابارلادى قاراعاندى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى.
وبلىس بويىنشا ۆيرۋس جۇقتىرعاندار سانى - 21، ونىڭ ىشىندە 1 ءولىم جاعدايى تىركەلگەن.