14:31, 27 - ناۋرىز 2020 | GMT +6
كوروناۆيرۋستان كوز جۇمعان ايەل الماتىدا 6 اداممەن بايلانىستا بولعان
الماتى. قازاقپارات - كوروناۆيرۋستان قايتىس بولعان ايەل الماتىعا كەلگەندە 6 اداممەن تىعىز بايلانىستا بولعان.
بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ ايتتى، دەپ حابارلايدى قازاقپارات ءتىلشىسى.
«كوروناۆيرۋستان قايتىس بولعان 64 جاستاعى ايەل جايلى اقپارات بىزگە باسقا وڭىردەن كەلدى. بۇگىندە الماتى بويىنشا 6 جاقىن ارالاسقان ادام انىقتالدى. ولاردىڭ بارلىعى تولىق تەكسەرۋ ءۇشىن پروۆيزورلىق ەمحاناعا وقشاۋلاندى»، - دەدى باسقارما باسشىسى. مۇنىڭ الدىندا 64 جاستاعى ايەلمەن تىعىز بايلانىستا بولعان ادامدار تۇگەل وقشاۋلانىپ، تۇرعىلىقتى مەكەنجايى تولىق زارارسىزداندىرىلاتىنىن جازعان ەدىك.