تىلەۋحان ابىلدايەۆ الماتىدا كوروناۆيرۋس جۇقتىرعان 6 ادامنىڭ جاعدايى تۋرالى ايتىپ بەردى
«الماتى قالاسىنداعى اۋرۋحانالاردا كوروناۆيرۋس جۇقتىرعان 6 ادام جاتىر. بۇعان دەيىن حابارلانعانداي، گەرمانيادان كەلگەن ءۇش پاتسيەنت بار. ءتورتىنشىسى ماسكەۋ- الماتى رەيسىمەن كەلدى. قازىرگى ۋاقىتتا ءتورت پاتسەنتتىڭ جاعدايى قاناعاتتانارلىق. ەكەۋىنىڭ جاعدايىنىڭ اۋىرلىعى ورتاشا. ولاردىڭ ءبارى بەكىتىلگەن حاتتاماعا سايكەس ەم الۋدا. دەر كەزىندە ۆيرۋسقا قارسى جانە سيمپتوماتيكالىق تەراپيا باستالدى»، - دەدى تىلەۋحان ابىلدايەۆ «حابار 24» ارناسىنان بەرىلگەن ونلاين رەجىمدەگى باسپا ءسوز ءماسليحاتىندا.
ەسكە سالا كەتسەك بۇگىن ساعات 13.00-دە «حابار 24» ارناسىندا ونلاين رەجىمدە دەنساۋلىق ساقتاۋ ءمينيسترى ەلجان ءبىرتانوۆ قازاقستاندا كوروناۆيرۋس ينفەكسياسىن جۇقتىرعانداردىڭ سانى 8 گە جەتكەنىن حابارلاعان ەدى.
ايتا كەتسەك بۇگىن قازاقستان رەسپۋبليكاسىندا توتەنشە جاعداي ەنگىزىلدى. بۇل تۋرالى جارلىققا ق ر پرەزيدەنتى قول قويدى. جارلىققا سايكەس ويىن-ساۋىق ورتالىقتارىنىڭ، كينوتەاترلار مەن تەاترلاردىڭ جۇمىسى توقتاتىلىپ، قازاقستان رەسپۋبليكاسىنا كەلەتىن حالىقارالىق ۇيىمدار دەلەگاتسيالارىنىڭ مۇشەلەرىن قوسپاعاندا ەل اۋماعىنا كولىكتىڭ بارلىق تۇرلەرىمەن كىرۋگە، سونداي-اق ونىڭ اۋماعىنان شىعۋعا شەكتەۋلەر بەلگىلەندى.