+7 (701) 759 90 19
14 °С : نۇر-سۇلتان
13 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

كوشەربايەۆ ب ۇ ۇ 6 تىلىندەگى قازاق ادەبيەتى انتولوگيالارىنىڭ تانىستىرىلىمىنا قاتىستى

14 اقپان 17:48
:ءبولىسۋ
كوشەربايەۆ ب ۇ ۇ 6 تىلىندەگى قازاق ادەبيەتى انتولوگيالارىنىڭ تانىستىرىلىمىنا قاتىستى

الماتى. قازاقپارات - الماتى قالاسىنداعى «دوستىق ۇيىندە» «جاھانداعى زاماناۋي قازاقستاندىق مادەنيەت» جوباسى اياسىندا ب ۇ ۇ- نىڭ 6 تىلىنە اۋدارىلعان قازاق ادەبيەتى انتولوگيالارىنىڭ تانىستىرىلىمى ءوتتى، دەپ حابارلايدى قازاقپارات اقورداعا سىلتەمە جاساپ.

بۇل جوبا قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن. ءا. نازاربايەۆتىڭ باستاماسىمەن جۇزەگە اسىرىلىپ جاتقان «رۋحاني جاڭعىرۋ» باعدارلاماسى باعىتتارىنىڭ ءبىرى. ونىڭ نەگىزگى ماقساتى - تاۋەلسىزدىك جىلدارىنداعى قازاق ادەبيەتى مەن مادەنيەتىن، مۋزىكاسى مەن بەينەلەۋ ونەرىن، حورەوگرافيا، كينو جانە تەاتر سالاسىنداعى جەتىستىكتەرىن الەمگە تانىتۋ.

جيىنعا شىعارمالارى الەم تىلدەرىنە اۋدارىلعان اۆتورلار مەن اۋدارماشىلار، ق ر مەملەكەتتىك حاتشىسى، «رۋحاني جاڭعىرۋ» باعدارلاماسىن ىسكە اسىرۋ جونىندەگى ۇلتتىق كوميسسيانىڭ ءتوراعاسى قىرىمبەك كوشەربايەۆ، الماتى قالاسىنىڭ اكىمى باقىتجان ساعىنتايەۆ، ق ر مادەنيەت جانە سپورت ءمينيسترى اقتوتى رايىمقۇلوۆا قاتىستى.

باسقوسۋدا اۋدارما جۇمىسى قورىتىندىلانىپ، اۆتورلارعا التى تىلدە جارىق كورگەن شىعارمالارىنىڭ جيناقتارى تاپسىرىلدى.

ق ر مەملەكەتتىك حاتشىسى قىرىمبەك كوشەربايەۆ قازاق ادەبيەتىنىڭ ۇزدىك ۇلگىلەرىن ب ۇ ۇ- نىڭ 6 تىلىنە اۋدارۋ جانە ونى وسىنداي كەڭ كولەمدە تاراتۋ ءبىزدىڭ تاريحىمىزدا بۇرىن- سوڭدى بولماعانىن ايتتى. «بۇل جوبانى ۇيىمداستىرۋ جانە ۇيلەستىرۋ جۇيەسى دە بۇرىنعىدان وزگەشە بولدى. ونداعى باستى ماقسات كوركەم اۋدارمانىڭ جوعارى ساپاسىن قامتاماسىز ەتۋ ەدى. وسى رەتتە، ەڭ الدىمەن، جوبانى جۇزەگە اسىرۋعا 6 ەلدىڭ كوركەم اۋدارما سالاسىندا تاجىريبەسى مول، بەدەلدى دەگەن باسپالارى تاڭدالدى. 60 اۆتوردىڭ ۇزدىك تۋىندىلارى ەنگەن انتولوگيالار دۇنيەجۇزىنىڭ 5 قۇرلىعىنداعى 93 مەملەكەتتىڭ ءىرى كىتاپحانالارىنا، ىرگەلى وقۋ ورىندارىنا، مادەنيەت پەن ادەبيەتكە ماماندانعان عىلىمي ورتالىقتارىنا تاراتىلادى»، - دەدى قىرىمبەك ەلەۋ ۇلى.

قازاق ادەبيەتى جيناقتارىنىڭ اعىلشىن تىلىندەگى نۇسقاسىن كەمبريدج ۋنيۆەرسيتەتىنىڭ باسپاسى، اراب تىلىندەگى باسىلىمىن مىسىردىڭ ۇلتتىق ءبىلىم جانە مادەنيەت ورتالىعى، يسپان تىلىندەگى جيناقتاردى سەرۆانتەس ينستيتۋتى، ورىس تىلىندەگى انتولوگيالاردى م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ باسپا ءۇيى، قىتاي تىلىندەگى جيناقتاردى بەيجىڭدەگى ۇلتتار باسپاسى، فرانسۋز تىلىندەگى باسىلىمدى پاريجدىڭ مادەني بىرلەستىگى دايىندادى. اتالعان سەرىكتەس- ۇيىمداردىڭ اۋدارۋ، باسىپ شىعارۋ، تاراتۋ- ناسيحاتتاۋ جۇمىستارىنا 300-گە جۋىق مامان جۇمىلدىردى.

جوبا اياسىندا اۋدارمانىڭ ەرەكشەلىگىن تالقىلاپ، ءوزارا اڭگىمەلەسۋ ءۇشىن شەتەلدىك اۋدارماشىلار مەن باسپاگەرلەردىڭ قازاقستاندىق اۆتورلارمەن كەزدەسۋى وتكىزىلدى. بۇل اۋدارمانى ءتۇپنۇسقا ماتىنگە مەيلىنشە جاقىنداتۋعا ءارى ونىڭ كوركەمدىك ساپاسىن قامتاماسىز ەتۋگە مۇمكىندىك بەرىلدى.

ءار انتولوگيانىڭ تارالىمى - 10 مىڭ دانا. جالپى سانى 120 مىڭ جيناق الەمنىڭ 23 مىڭنان استام ءىرى كىتاپحاناسىنا، وقۋ ورىندارى مەن عىلىمي ورتالىقتارعا جەتكىزىلدى. ونىڭ ىشىندە اعىلشىن ءتىلدى باسىلىمدار اعىلشىن ءتىلى رەسمي مارتەبەگە يە 18 مەملەكەتكە، اراب تىلىندەگى جيناقتار وسى تىلدە سويلەيتىن تاياۋ شىعىس پەن افريكاداعى 22 مەملەكەتكە، يسپان تىلىندەگى باسىلىمدار يسپانيامەن قاتار لاتىن امەريكاسىنىڭ 20 ەلىنە، قىتاي تىلىندەگى باسىلىمدار 1,5 ميلليارد حالقى بار ەلدىڭ بارلىق ايماقتارىنا، ورىس تىلىندەگى جيناقتار ورىس ءتىلىن بىلەتىن 14 مەملەكەتكە، فرانسۋز تىلىندەگى تارالىم ەۋروپا مەن افريكانىڭ 17 ەلىنە تاراتىلدى.

سونداي- اق، قازاق ادەبيەتىنىڭ انتولوگيالارى ءىرى كىتاپحانا قورلارى مەن ونداعى ەرەكشە كىتاپتاردى ەسەپكە الاتىن WorldCat دەپ اتالاتىن حالىقارالىق بيبليوگرافيالىق جۇيەگە ەندى. انتولوگيالاردى العان ەلدەر مەن ۇيىمداردان 100-دەن اسا العىس حات كەلدى. ماسەلەن، فرانسيا پرەزيدەنتى ەممانۋەل ماكرون، ۇلى بريتانيا ءبىلىم ءمينيسترى گەۆين ۋيليامسون العىس حاتىن جولدادى.

جوبا ق ر مادەنيەت جانە سپورت مينيسترلىگىنىڭ تاپسىرىسى بويىنشا «ۇلتتىق اۋدارما بيۋروسى» قوعامدىق قورىنىڭ ۇيلەستىرۋىمەن جۇزەگە اسىرىلدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات