+7 (701) 759 90 19
-16 °С : نۇر-سۇلتان
3 °С : الماتى
USD 376.43 EUR 407.11
RUB 5.76 CNY 53.55
جاڭالىقتار

ىشتەگى مايدى كەتىرۋدىڭ 6 جولى

22 قاڭتار 04:17
:ءبولىسۋ
ىشتەگى مايدى كەتىرۋدىڭ 6 جولى

نۇر-سۇلتان. قازاقپارات - ىشكە ماي جينالۋ - كوپ ادامنىڭ باس قاتىرار پروبلەماسى. سىرتقى سىمباتىڭدى بۇزىپ قانا قويماي، ديابەت پەن جۇرەك دەرتىنە شالدىقتىرۋى دا مۇمكىن ەكەن. سوندىقتان دا ىشتەگى مايدان ەرتەرەك قۇتىلۋعا تىرىسىڭىز.

ىشكە ماي جينالعانىن قالاي بىلۋگە بولادى؟ ول ءۇشىن بەلدى ولشەيتىن ارنايى سانتيمەترلەر كورسەتىلگەن لەنتا قاجەت. بەلىڭىزگە وراڭىز دا، ولشەپ كورىڭىز. ەر ادامدار ءۇشىن 102 س م- دەن، ايەلدەر ءۇشىن 88 س م- دەن اسپاعان بولۋ كەرەك. ەگەر بۇل ناتيجە جوعارى بولسا، تومەندەگى كەڭەستەرگە قۇلاق اسقان ابزال.

1. قانت پەن ءتاتتى سۋلاردان تاتىپ الماڭىز قانت زات الماسۋعا كەرى اسەر ەتەدى. سوندىقتان كوپ تۇتىنباعان ءجون. ەگەر كوپ جەيتىن بولساڭىز، باۋىر ونى مايعا اينالدىرادى. زەرتتەۋلەر بويىنشا انىقتالعانداي، ول ماي بەلگە جينالا باستايدى. تازا قانتتان دا قاۋىپتىسى - سۇيىق كۇيدە بولۋى. ءتاتتى سۋسىندار قۇرامىندا قانت كوپ بولادى. مي ونى تورت نەمەسە كامپيت سياقتى قابىلدامايدى. سوندىقتان ادام ءتاتتى سۋسىنداردى توقتاۋسىز ىشە بەرەدى. اسىرەسە قۇرامىندا قانتى كوپ سۋسىندار بالالاردى سەمىزدىككە شالدىقتىرادى. ەڭ ءبىرىنشى جول - كۇندەلىكتى جەيتىن تاعامدار مەن سۋسىنداردى نازارعا الۋ. گازدى سۋسىندار، ءتاتتى شىرىنداردان باس تارتىڭىز. ولاردىڭ ورنىن جەمىس- جيدەكتەرمەن الماستىرعانىڭىز ابزال. سونداي- اق كەز كەلگەن تاعامدى نەمەسە سۋسىندى ساتىپ الاردا قۇرامىنداعى قانت مولشەرىنە ءمان بەرىڭىز.

2. اقۋىزى مول تاعامداردى جەڭىز اقۋىز - سالماق تاستاۋعا ايتارلىقتاي كومەكتەسەتىن ماكروەلەمەنت. زات الماسۋدى جاقسارتىپ، توق جۇرۋگە دە كومەكتەسەدى. سونداي- اق سالماق تاستاۋعا عانا ەمەس، كەيىن قايتا سەمىرىپ كەتپەۋ ءۇشىن دە سەپتىگى بار. زەرتتەۋلەر بويىنشا، اقۋىزى مول تاعامداردى كوپ تۇتىناتىن ادامداردىڭ ىشىنە ماي جينالمايدى ەكەن. ارينە، ناتيجە شىعارۋ ءۇشىن اقۋىزى مول تاعامداردى كوپ جەڭىز. اقۋىز جۇمىرتقا، بالىق، تەڭىز ونىمدەرى، بۇرشاقتۇقىمداستار، جاڭعاق، ەت پەن ءسۇت ونىمدەرىندە مولىنان بولادى.

3. كومىرسۋعا باي تاعامداردى ازايتۋ كەرەك كومىرسۋلار جەمىس- جيدەكتەردە، كوكونىستەردە، نان مەن بۇرشاقتا، باسقا دا كۇندەلىكتى راتسيونىمىزداعى تاعامداردا مىندەتتى تۇردە بولادى. سول سەبەپتى ول ارتىق سالماق قوسادى ەكەن دەپ، كومىرسۋلاردان مۇلدەم باس تارتقان دۇرىس ەمەس. كومىرسۋلار اعزانىڭ دۇرىس جۇمىسى ءۇشىن وتە قاجەت، الايدا ارىقتاۋعا دا بوگەت بولاتىندىعى راس. سوندىقتان كومىرسۋى مول تاعامداردى ازايتۋعا بولادى. بىردەن ەمەس، بىرتىندەپ باس تارتا باستاعانىڭىز ءجون. كومىرسۋ دەنەمىزدى %60 عا ەنەرگيامەن قامتاماسىز ەتەتىن كۇش- قۋاتتىڭ بىردەن- ءبىر قاينار كوزى. ەگەر مولشەرىن ازايتساڭىز، دەنەدەگى مايلار ەنەرگيا قىزمەتىن اتقارىپ، ىدىراي باستايدى.

4. جاسۇنىعى مول تاعامداردى جەڭىز تاعام قۇرامىنداعى جاسۇنىقتار سالماق تاستاۋعا كومەكتەسەدى. ىشەكتە استىڭ قيمىلىن باياۋلاتادى. ناتيجەسىندە اس جىلدام قورىتىلىپ كەتپەيدى. تەز ارادا قارىن اشىپ، اسقازان شۇرىلدامايدى. كەي زەرتتەۋلەر بويىنشا كۇنىنە 14 گرامم جاسۇنىقتى تۇتىنۋ 4-اي ىشىندە 2 كيلو سالماق تاستاۋعا كومەكتەسكەن. تاعى ءبىر تاجىريبە بويىنشا كۇنىنە 10 گرامىنىڭ ءوزى مايدى ىدىراتۋعا ايتارلىقتاي اسەر ەتكەنى انىقتالعان. ول ءۇشىن كۇنىنە جەمىس- جيدەك، كوكونىس پەن بۇرشاق ونىمدەرىن كوبىرەك جەۋ كەرەك.

5. جاتتىعۋ جاساۋ كەرەك جاتتىعۋلار سالماق تاستاۋ ءۇشىن عانا كەرەك ەمەس، باستىسى - دەنساۋلىققا پايدالى. ەگەر ىشتەگى مايدان قۇتىلعىڭىز كەلسە، وندا قارىنعا ارنالعان جاتتىعۋلاردى عانا جاساۋ كەرەك ەمەس. ودان ءجۇرۋ، جۇگىرۋ، سۋدا ءجۇزۋ مەن اەروبيكالىق جاتتىعۋلار الدەقايدا پايدالى. مۇنداي جاتتىعۋلار سالماق تاستاۋعا كوپ كومەكتەسەدى. قان قۇرامىنداعى قانت مولشەرى تومەندەيدى ءارى استىڭ دۇرىس قورىتىلۋىنا سەپتىگىن تيگىزەدى.

6. قالاي تاماقتانىپ جۇرگەنىڭىزگە ءمان بەرىڭىز تاماق تانۋ - ساۋلىق نەگىزى. كۇندە نە جەپ جۇرگەنىمىز ماڭىزدى. جەگەن تاعامنىڭ قۇرامىندا نە بار ەكەنىنە جانە قانشا گرامم جەۋ كەرەك ەكەنىنە ءمان بەرىڭىز. ول ءۇشىن كىشكەنە تارازى الىپ، جەيتىن تاماعىڭىزدى ولشەپ ءجۇرىڭىز. ىلعي وسىلاي جاساپ جۇرۋگە دە مۇمكىندىك بولمايتىنى راس. دەگەنمەن ديەتا ۇستاعاندا نەمەسە سالماق تاستاۋ ءۇشىن نيەتتەنگەن كەزدە وسى ءادىس كومەكتەسەدى. ەگەر تاعامنىڭ مولشەرىنە، ونىڭ قۇرامىنداعى كالوريا، ءنارۋىز، ماي مەن كومىرسۋلارعا ءمان بەرمەسەڭىز، وندا سالماق تاستاۋعا اسىقپاي جۇرگەنىڭىز. دەنىڭىز ساۋ بولسىن!

Massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات