+7 (701) 759 90 19
-2 °С : نۇر-سۇلتان
-5 °С : الماتى
USD 377.86 EUR 418.74
RUB 6.10 CNY 54.50
جاڭالىقتار

ەلىمىزدە 6 -جەلتوقساندا وتەتىن ماڭىزدى شارالارعا شولۋ

5 جەلتوقسان 20:28
:ءبولىسۋ
ەلىمىزدە 6 -جەلتوقساندا وتەتىن ماڭىزدى شارالارعا شولۋ

نۇر-سۇلتان. قازاقپارات - «قازاقپارات» حالىقارالىق اقپارات اگەنتتىگى قازاقستان قالالارىندا 6 -جەلتوقساندا وتەتىن ماڭىزدى شارالار شولۋىن ۇسىنادى.

نۇر-سۇلتان

ساعات 09.00 دە تاۋەلسىزدىك سارايىندا قازاقستان رەسپۋبليكاسى ءماسليحاتىنىڭ قۇرىلۋىنا 25 جىل تولۋىنا وراي رەسپۋبليكالىق كونفەرەنتسيا وتەدى.

ساعات 09.00-دە نۇر-سۇلتان قالاسى اكىمدىگى باسشىلىعىنىڭ قاتىسۋىمەن ءابىش كەكىلباي ۇلى اتىنداعى كوشەنىڭ سالتاناتتى اشىلۋى وتەدى.

ساعات 9.30 دا قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى تۇلەكتەرىنىڭ «ءداستۇردى ساقتاۋ، بولاشاققا ۇمتىلىس!» اتتى فورۋمى وتەدى.

ساعات 10.00 دە «Hilton Garden Inn Astana» قوناق ءۇيىنىڭ كونفەرەنس-زالىندا قازاقستان رەسپۋبليكاسى جوعارعى سوتىنىڭ جانىنداعى سوت تورەلىگى اكادەمياسى قازاقستانداعى فريدريح ەبەرت اتىنداعى قوردىڭ قولداۋىمەن «قازىرگى قازاقستاننىڭ سوت بيلىگى جانە ادام قۇقىعى: ۇردىستەرى مەن كەلەشەگى» اتتى ادام قۇقىقتارى جونىندەگى 1-ەۋرازيالىق فورۋم وتكىزەدى.

ساعات 10.00 دە ەلباسى كىتاپحاناسىندا قازاقستاننىڭ تاۋەلسىزدىك كۇنىنە ارنالعان «ەل تاعدىرىن ايقىنداعان تاۋەلسىزدىك» اتتى فورۋم وتەدى.

ساعات 10.00 دە دوستىق ۇيىندە «قوعامنىڭ تابىستى دامۋىنىڭ نەگىزى - قاۋىپسىز ەڭبەك» دەگەن اتپەن قازاقستان رەسپۋبليكاسى كاسىپوداقتار فەدەراتسياسى ەڭبەكتى قورعاۋ جونىندەگى تەحنيكالىق ينسپەكتورلاردىڭ II رەسپۋبليكالىق فورۋمى وتەدى.

ساعات 10.00 دە «دۋمان» قوناق ءۇي كەشەنىندە «قۇرىلىس كەشەنى مەن تۇكش سالالىق كاسىپوداعى» ق ب ۇيىمداستىرۋىمەن جانە ارىپتەس شەت ەلدىك قوناقتاردىڭ قاتىسۋىمەن «Jan' a esim» سالالىق كاسىپوداق كوشباسشىلارىنىڭ رەسپۋبليكالىق شەرۋى وتكىزىلەدى.

ساعات 11.00 دە قازاق ۇلتتىق ونەر ۋنيۆەرسيتەتىندە جىل سايىنعى «استانا-مەرەي» XV حالىقارالىق ورىنداۋشىلار بايقاۋىنىڭ سالتاناتتى اشىلۋى باستالادى.

ساعات 11.45 تە سارىارقا ۆەلوترەگىندە XIX قىسقى سۋردليمپيادالىق ويىندارىنا ەل قۇراماسىن شىعارىپ سالۋ سالتاناتتى شاراسى وتەدى.

ساعات 15.00 دە ق ر ۇكىمەتىنىڭ باسپا ءسوز ورتالىعىندا مۇناي-گاز سالاسىنىڭ دامۋ بارىسى تۋرالى باسپا ءسوز كونفەرەنتسياسى وتەدى.

ساعات 15.00 دە ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ نۇر-سۇلتان قالاسىنداعى دەپارتامەنتىنىڭ باستاماسىمەن قۇرىلعان «جاس مەملەكەتتىك قىزمەتشى مەكتەبى» جوباسى اياسىندا ستۋدەنتتەرمەن كەزدەسۋ وتەدى.

ساعات 16.00 دە ۇكىمەت ءۇيى عيماراتىندا (15 -قابات، № 1502 زال) ق ر پرەزيدەنتىنىڭ جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ كەزەكتى وتىرىسى باستالادى.

ساعات 16.00 دە نازاربايەۆ ورتالىعىندا «قازاقستاننىڭ تاۋەلسىزدىگى جانە ەلباسى» تىلشىلەر بايقاۋىنىڭ سالتاناتتى ماراپاتتاۋ ءراسىمى باستالادى.

ساعات 17.00 دە بەيبىتشىلىك جانە كەلىسىم سارايىندا ءابىش كەكىلبايەۆتىڭ 80 جىلدىعىنا وراي ەسكە الۋ كەشى وتەدى.

ساعات 18.00 دە «Nomad City Hall» كونسەرت زالىندا تۋريزم سالاسىنىڭ «National National Awards 2019» ەكىنشى ۇلتتىق جۇلدەسىنىڭ ماراپاتتاۋ ءراسىمى وتەدى.

الماتى

ساعات 10.0 دە الماتى ارەنادا برازيليالىق دجيۋ-دجيتسۋ بويىنشا «Arlan Grip Championship» اشىق حالىقارالىق ءتۋرنيرى وتەدى.

ساعات 11.00 دە ازاماتتىق ورتالىقتا جايلى قالالىق ورتا ماسەلەسى بويىنشا الماتى قالاسى قوعامدىق كەڭەسىنىڭ №2 كوميسسياسىنىڭ كەڭەيتىلگەن وتىرىسى وتەدى.

ساعات 12.00 دە الماتىداعى سىبايلاس جەمقورلىققا قارسى قىزمەت سايتىندا ەتيكالىق مىنەز- قۇلىق، سىيلىقتارعا اكىمشىلىك حاتتامالاردى دايىنداۋ، كورپوراتيۆتى قىزمەتكەرلەر، ءبىرىنشى باسشىلاردىڭ جاۋاپكەرشىلىگى تالقىلانىپ، «سانالى ۇرپاق» ءبىلىم بەرۋ سالاسىنداعى جوبالىق كەڭسەنىڭ جۇمىس ناتيجەلەرى تۋرالى بريفينگ وتەدى.

ساعات 15.00 دە ت. جۇرگەنوۆ اتىنداعى ونەر اكادەمياسىنىڭ كينوتەاترىندا «اتباي شايقاس» فيلمىن تۇسىرۋشىلەرمەن شىعارماشىلىق كەزدەسۋ وتەدى. كەزدەسۋگە رەجيسسەر جانە ستسەناريست ءادىلحان ەرجانوۆ، باس پروديۋسەر جانە ستسەناريست اسەل ءسادۋاقاسوۆا، پروديۋسەر سەرىك ابىشەۆ، سونداي-اق جەتەكشى اكتەرلەر سانجار ءمادي مەن دينارا باقتىبايەۆا قاتىسادى. شىعارۋشىلار «اتباي شايقاسى» كارتيناسىن جاساۋ پروتسەسى تۋرالى اڭگىمەلەيدى.

ساعات 18.30-دا Q-lab Space كەڭىستىگىندە الماتىنىڭ كوشەلەرى مەن قاسبەتتەرىن اباتتاندىرۋعا ارنالعان ديزاين كودىن تانىستىرۋ بويىنشا اشىق قوعامدىق تىڭداۋ وتەدى.

اۆتور: ايان بەكەن ۇلى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات