+7 (701) 759 90 19
-2 °С : نۇر-سۇلتان
0 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

ك س ر و-دان جۇققان 6 ادەت

12 قاراشا 11:55
:ءبولىسۋ
ك س ر و-دان جۇققان 6 ادەت

نۇر-سۇلتان. قازاقپارات - كەڭەستەر وداعى - ءبىزدىڭ اتا-انامىزدىڭ، اتا-اجەمىزدىڭ ءومىرىنىڭ ەرەكشە ءبىر مەزەتى، ونىڭ وزىندىك ەرەكشەلىكتەرى، بوياۋ مەن ءىزى بار.

سونىڭ ءبارى ءبىزدىڭ دە ويلاۋ جۇيەمىزگە، ادەتىمىزگە، ءوزىمىزدى ۇستاۋعا اسەر ەتتى. بالكىم، بۇل جالپى گەنەتيكالىق جادى ەمەس بولار. بۇنى كۇندەلىكتى ادەتتەردىڭ جيىنتىعى دەلىك. بۇل ك س ر و- دا تۋىپ-وسكەن كوپتەگەن ادامداردىڭ بولمىسىنا ءسىڭىسىپ كەتكەن تاربيەنىڭ قالدىعى.

بىرەۋ ءۇشىن ك س ر و ەڭ جاقسى ەستەلىك. قامسىز بالالىق شاق، اقىسى جەلىنبەيتىن ەڭبەك، جارقىن كەلەشەككە دەگەن سەنىم مول كەزەڭ بولدى. بىرەۋ ءۇشىن - تۇرمىس- تىرشىلىكتىڭ بەيبەرەكەتسىزدىگى مەن وزگەنىڭ دەگەنىمەن ءومىر ءسۇرۋ داعدىس ەدى. كەڭەستىك ءمورالدىڭ پايدالى جاقتارى دا بار، ارينە. دەگەنمەن، ك س ر و تۋعان ادامداردىڭ ارىلۋعا ءتيىستى بىرنەشە كەمشىن ادەتتەرى بار.

1. دۇنيەقوڭىزدىق

نە نارسەنىڭ دە دەفيتسيتى ۇنەمى كەرەك ەمەس زاتتاردى جيناي بەرۋ ادەتىن قالىپتاستىردى. ءتىپتى جوندەۋگە كەلمەيتىن ەسكى- قۇسقىنى ۇيە بەرۋ ادەتى بار. بالكىم، ىشىندەگى ءبىر بۇرانداسىن، زاتىن كادەگە جاراتىپ قالۋعا بولار دەگەن ءدۇدامال كۇدىك مازا بەرمەگەن بولار. كەيىن پايداسى ءتيىپ قالار دەۋمەن ءومىر-باقي ساقتالعان دۇنيەلەر جەتىپ ارتىلادى. قويماداعى ارتىق سورەلەر، باسى ارتىق، كەرەكسىز زاتتىڭ كوپتىگىنەن اياق الىپ جۇرگىسىز. بۇل كادۋىلگى كەڭەستىك پاتەردىڭ بارىنە ءتان سيپات.

ەسكى شام، ءبىرى جوعالىپ، ءبىرى قالعان ەسكى شاڭعى، اياعى سىنعان ورىندىق باياعى ءباز قالپىنا كەلمەيدى. ولاردى جاڭامەن الماستىرۋ كەرەك. ادەمى، پايداسى بار زاتتارمەن اۋىستىرعاننىڭ ايىبى جوق. ەسكىنى ساقتاي بەرۋ ادەتى ەرتە مە، كەش پە پسيحولوگيالىق دەرتكە دە ۇلاسىپ كەتۋ بەك مۇمكىن.

2. «سول» كۇن ءۇشىن ءومىر ءسۇرۋ

جاقسى كۇنگە جەتكەنشە امالداي تۇرايىق دەپ ءومىر ءسۇرۋ كەڭەستىك ادامعا ءتان قۇبىلىس. وسى ادەتتىڭ كەسىرىنەن كوپتەگەن ادامدار جاقسىلىقتىڭ بارىنەن باس تارتىپ، كۇللى ءومىرىن ەرتەڭگە قالدىرىپ، ۋاقىتىن زايا وتكىزىپ الدى- اۋ. جاڭا داستارحان، اشىلماعان سەيسەپتەر، قولدانىلماعان سۋ جاڭا ىدىستار، ءبىر كيەر كيىمىن تەك مەرەكدە كيەم دەپ شكافتا شاڭ باسىپ، ساقتاۋ ادەت بولعان.

ءبىر جامانى «سول» كۇننىڭ ەش تۋمايتىنى. دۇرىسىندا، ول كۇن كەڭەستىك ادامنىڭ ساناسىنان ەشقاشان ورىن المايدى. ال ونىڭ قازىناسى جاتقان جەرىندە جاتا بەرەدى. كەڭەستىك زاماندا تۋعان ءار بالا شەشەسىنىڭ «ونىڭ ءبارى مەرەكەگە» دەگەن ءسوزدى ەستىپ وسكەن شىعار؟ دەگەنمەن، ءدامدى تاماق، ءساندى كيىم، كوركەم بەزەندىرىلگەن داستارحان - ءاربىر كۇندى ەرەكشە ەتەتىن زاتتار.

3. توڭازىتقىشتا نە بار؟

ءار ۇيدە تاماق بولعانمەن، ونىڭ ساپاسى مەن كولەمى ءار ءتۇرلى بولدى. و زاماندا تاماق تۋرالى باسقا مادەنيەت قالىپتاستى. توڭازىتقىشتاعىنىڭ ءبارى مىندەتتى تۇردە جەلىنىپ ءبىتۋى ءتيىس بولاتىن. ال، توڭازىتقىشتاعى ازىق- تۇلىكتىڭ كەيبىرىنىڭ مەرزىمى ءوتىپ كەتكەنى، ونداي تاماقتى جەۋ دەنساۋلىققا زيان ەكەنى ەسكەرىلمەيتىن.

جيناعان قورعا قاتىستى دا سونى ايتۋعا بولادى. دەفيتسيتپەن اۋىزدانعان ەل- جۇرت جىلدار بويى ءداندى داقىلدار مەن كونسەرۆىلەپ ساقتاۋدى ءبىلدى. ولاردىڭ ساقتاۋ مەرزىمىنەن كەيىن قولدانۋعا بولمايتىنىن ەسكەرمەدى.

4. ءبارىن ۇيگە، ءبارىن وتباسىعا تاسۋ

بۇل ادەتتى بىلاي سيپاتتاۋعا بولار ەدى: ەگەر ەشكىم «بولمايدى» دەمەسە، وندا الا بەرۋگە بولادى دەپ تۇسىنەتىن. كەلەشەگىنەن ءۇمىت كۇتتىرەتىن وندىرىستەردىڭ كوپشىلىگى ءبىر نارسەدەن زارداپ شەكتى. كەڭەستىك ادام كەلەشەگى ءۇشىن قورقاتىن، قورقاتىن دا كوزگە كورىنگەندى، قولعا تۇسكەندى ۇيىنە تاسي بەرەتىن. ءتىپتى كانتسەليارلىق بۇيىمدارعا دەيىن. شەگە، گازەت بولسا دا ۇيگە اكەتە بەرەدى. ءبىر كەرەگى بوپ قالار. ول زاماندا بۇل ادەتتىڭ تۇسىنىكتەمەسىن بەرگەندەر بولعان شىعار، ال قازىر مۇنىڭىز - ۇرلىق دەپ اتالادى.

5. ءوزىن تومەن باعالاۋ

كەڭەستىك ءوندىرىس ميلليونداعان دانامەن ءپىشىنى جوق كيىم جاساپ، ساتۋمەن شۇعىلداندى. ول كيىمدى ۇلكەن- كىشى تۇگەل كيەتىن. جاقسى كوسمەتيكانىڭ جوقتىعى ءبىلىنىپ تۇراتىن. ادەمى بويانعان، كوركەم كيىنگەن جاكلين كەننەديدىڭ جانىنداعى نينا حرۋشيەۆانىڭ اجە قۇساپ تۇسكەن سۋرەتىن ءار ادام كورگەن دە بولار. ء«ىرىپ- شىرىگەن باتىس» تۋرالى اقپار قانشالىقتى كوپ تاراتىلسا دا، كەڭەستىك ادامدار ءوز مەنىن وسىرۋگە ىقپال ەتەتىن كوپ نارسەدەن قاعىس قالىپ جاتقانىن سەزەتىن. سوندىقتان ءبىزدىڭ اينالامىزداعى ايەلدەر ماقتاۋ ءسوزدى قابىلداي المايدى. بىرەۋ ماقتاپ، كومپليمەنت ايتسا، ۇيالىپ، جەرگە كىرە جازدايدى.

6. قوعامدىق پىكىرگە تاۋەلدى بولۋ

كەڭەستىك ادام ءبىر نارسە ىستەمەس، ايتپاس ءۇشىن جەتى رەت ولشەپ، ءبىر رەت كەس دەگەندى ساناسىنا ابدەن سىڭىرگەن. كەز كەلگەن شەشىمدى تۋعان- تۋىستىڭ، دوستاردىڭ، كورشى- قولاڭنىڭ پىكىرىن ەسەپتەي وتىرىپ قابىلداعان. كوشەدە كەزدەيسوق كورە قالعان بەيتانىس جاننىڭ ايىپتاۋى - بارىپ تۇرعان ماسقارا بولاتىن.

ارينە، قوعام قالىپتاستىراتىن ەرەجە مەن تارتىپكە شاقىراتىن قاعيدالاردىڭ بولۋى زاڭدى. ادامنىڭ ءبارى وزگەگە سىپايىلىق تانىتۋعا تىرىسادى. بۇل نورما. ءبىراق وزگە ادامنىڭ ەشبىرى ءسىز ءۇشىن نە جاقسى ەكەنىن بىلە المايدى. ءسىز ءۇشىن ءسىزدىڭ ءومىردى سۇرمەيدى. ونى ءار ادام ءوزى ءۇشىن ءوزى جاساۋى ءتيىس. جاھاندىق ماسەلە قوزعالعاندا ءسىزدىڭ ءار ءسوزىڭىز بەن ارەكەتىڭىز كەلەشەكتە ءوز جەمىسىن بەرەدى. مەيلى ول جۇمىسقا، وتباسىلىق باقىتقا، بەلگىسىز ءبىر جانعا قاتىستى كۇپىرلىك بولسا- داعى.

كەڭەستىك مەنتاليتەت سسيقىرشىنىڭ قالاۋىمەن جويىلا سالمايدى. بۇل نارسە بار - ول ءبىزدىڭ تاربيەمىزدىڭ ءبىر بولىگى، ءبىر ساتىسى. ول بىزگە الەمدى وسى راكۋرستان تانۋدى ۇيرەتتى. الايدا وسى 6 ادەت بويىمىزدا بار كەزدە، دۇنيەنىڭ بار عالاماتىن تولىق تانۋعا كەدەرگى بولا بەرەرى انىق.

اۋدارعان شىنار ءابىلدا


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات