قىتاي «6 - بۋىن» بايلانىس جەلىسىنىڭ تەحنولوگياسىن جاساپ جاتىر
مينيسترلىك اتالعان جۇمىستى اتقارۋ ءۇشىن ەكى جۇمىس توبىن قۇرماق. ونىڭ بىرىندە 6G تۋرالى زەرتتەۋلەرگە جاۋاپتى ءتيىستى مەملەكەتتىك ۆەدومستۆولار بولسا، ەكىنشى جۇمىس توبىنا ۋنيۆەرسيتەت، عىلىمي زەرتتەۋ ينستيتۋتتارىنان 37 ادام كىرەدى.
«G5 موبيلدى جۇيەنىڭ كەلەسى ساتىسى. ول جوعارى جىلدامدىقتاعى ينتەنەتكە، جۇرگىزۋشىسى جوق كولىكتەر مەن ۆيرتۋالدى شىندىققا مۇمكىندىك بەرەدى. قىتاي بۇل جۇيەنى بەلگىلەنگەن ۋاقىتتان ءبىر جىلعا ەرتە ەنگىزىپ، وتكەن ايدا G5 جۇيەسىن قوسقان ەدى»، دەپ جازادى باسىلىم.
اۆتوردىڭ ايتۋىنشا، بۇگىنگى تاڭدا بۇكىل الەم ءالى G4 جەلىسىندە تۇر، سونىمەن قاتار G5 بەلگىلى ءبىر سالالار مەن تۇتىنۋشىلارعا قالاي اسەر ەتەتىنى ءالى تۇسىنىكسىز. قىتايدان باسقا بۇل جۇيەنى وڭتۇستىك كورەيا عانا ىسكە قوسقان. ال ا ق ش، ۇلى بريتانيادا تەك بىرنەشە قالا اتالعان جەلىگە قوسىلعان.