مارقۇم اكەسىنە حات جازعان 6 جاسار قىز كۇتپەگەن جاۋاپ الدى
بۇل تۋرالى Daily Mail باسىلىمى حابارلايدى.
التى جاسار حوللي مورگان 2018 -جىلدىڭ ماۋسىم ايىندا اكەسى نايدجەلدەن ايىرىلىپ قالعان. ول پنيەۆمونيادان قايتىس بولىپتى. سودان بەرى قىز اناسى لاۋرا اللەنمەن اكەسى تۋرالى كوپ سويلەسكەن ەكەن.
2018 -جىلى حوللي روجدەستۆو مەيرامىندا «كوكتەگى اكەسىنە» شار ۇشىرۋدى ۇيعارىپتى. سول كەزدە اكەسىنىڭ تۋعان كۇنىنە قۇتتىقتاۋ حاتىن جىبەرۋ تۋرالى وي پايدا بولعان.
«ول اكەسىن تۋعان كۇنىمەن قۇتتىقتاعىسى كەلدى. كۇيەۋىم قازان ايىندا 47 جاسقا تولار ەدى» ، - دەيدى اللەن.
مارقۇم اكەسىنە حات جازعان 6 جاسار قىز كۇتپەگەن جاۋاپ الدى
حوللي حاتتىڭ سىرتىنا «كوكتەگى اكەمە حات» دەپ جازعان. جەرگىلىك پوشتا قىزمەتكەرلەرى قىزدان حاتتىڭ سىرتىنا كەرى مەكەنجايدى كورسەتۋدى سۇراپتى. ولار حات يەسىنە جەتكەن كەزدە، مىندەتتى تۇردە حابارلايتىندارىن ايتقان.
ارادا بىرنەشە كۇن وتكەننەن كەيىن اللەننىڭ پوشتا جاشىگىندە «حولليگە» دەگەن جازۋى بار حات پايدا بولىپتى. وندا حاتتىڭ «جۇلدىزدار مەن باسقا دا گالاكتيكالىق نىسانداردان اسىپ، يەسىنە جەتكەنى» جازىلعان.
«ول جاۋاپ العان كەزدە قاتتى قۋاندى. پوشتاشى حاتىن راسىمەن دە كوككە جەتكىزدى دەپ ويلاپ ءجۇر. مەنىڭ ويىمشا، بۇل جاعداي وعان اۋىر قايعىنى ەڭسەرۋگە كومەكتەستى. ەندىگى ول اكەسىنە حات جازىپ، ءومىرى تۋرالى ايتا الاتىنىن بىلەدى. ەندى تاعى دا حات جازاتىنى انىق» ، - دەيدى قىزدىڭ اناسى.
سونىمەن قاتار اللەن پوشتا قىزمەتكەرلەرىنە العىس ءبىلدىردى.