11:44, 08 - قاراشا 2019 | GMT +6
قازاقستانداعى جولداردىڭ 6 مىڭ شاقىرىمى اقىلى بولادى
نۇر-سۇلتان. قازاقپارات - الداعى ەكى جىلدا قازاقستانداعى جولداردىڭ 6 مىڭ شاقىرىمى اقىلى بولادى، دەپ حابارلايدى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.
«جولداردى اقىلى ەتۋگە باعىتتالعان جوبا 2 كەزەڭدە ەنگىزىلەدى دەپ جوسپارلانۋدا. العاشقى كەزەڭدە، ياعني 2020 جانە 2021-جىلداردىڭ ارالىعىندا اۆتوموبيل جولدارىنىڭ 6 مىڭعا جۋىق شاقىرىمى اقىلى بولادى»، دەلىنگەن حابارلامادا.
بۇل - «باتىس ەۋروپا -باتىس قىتاي» حالىقارالىق ترانزيتتىك ءدالىزىنىڭ، نۇر-سۇلتان – قوستاناي –ر ف شەكاراسى، شۋچينسك - پەتروپاۆل، نۇر-سۇلتان - پاۆلودار، قالباتاۋ - پاۆلودار–ر ف شەكاراسى (ومبىعا)، تاسكەسكەن - باقتى، قاپشاعاي - تالدىقورعان، اتىراۋ - ورال، اتىراۋ - دوسسور - بەينەۋ - اقجىگىت - وزبەكستان رەسپۋبليكاسىنىڭ شەكاراسى جانە اقتاۋ - بەينەۋ جولدارىنىڭ ۋچاسكەلەرى.
2022 جانە 2023-جىلدار ارالىعىندا اۆتوموبيل جولدارىنىڭ قالعان 5 مىڭ شاقىرىمىن اقىلى ەتۋدىڭ ەكىنشى كەزەڭىن جۇزەگە اسىرۋ كوزدەلگەن.