+7 (701) 759 90 19
19 °С : نۇر-سۇلتان
18 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

قىتايدا 6-دۇنيەجۇزىلىك ينتەرنەت كونفەرەنتسيا اشىلدى

21 قازان 08:08
:ءبولىسۋ

ۋجىن. قازاقپارات - قىتايدىڭ ۆەنەتسياسى اتانعان ۋجىن تاريحي ەلدى مەكەنىندە (جىجياڭ پروۆينسياسىندا) VI دۇنيەجۇزىلىك ينتەرنەت كونفەرەنسيا باستالدى، دەپ حابارلايدى «قازاقپارات» ح ا ا- نىڭ مەنشىكتى ءتىلشىسى.

بيىلعى جيىن «ينتەلەكت، ءوزارا بايلانىس، اشىقتىق جانە ىنتىماقتاستىق: كيبەركەڭىستىكتە تاعدىرى ورتاق قوعامداستىق قۇرۋ» تاقىرىبىنا ارنالدى.

ق ح ر ءتوراعاسى شي جينپيڭ دۇنيەجۇزىلىك ينتەرنەت-كونفەرەنسيا قاتىسۋشىلارىنا ارناعان سوزىندە بيىل ينتەرنەتتىڭ پايدا بولعانىنا 50 جىل تولىپ وتىرعانىن اتاپ ءوتتى.

ونىڭ ايتۋىنشا، «ينتەرنەتتى ادامزاتتىڭ پايداسىنا دۇرىس پايدالانۋ مەن باسقارۋعا حالىقارالىق قوعامداستىق تۇگەل جاۋاپتى».

شاراعا ۇكىمەتتەردىڭ، حالىقارالىق ۇيىمداردىڭ، ىسكەر جانە عىلىمي قاۋىمنىڭ 1,5 مىڭنان استام وكىلى قاتىسۋدا. كونسەرەنتسياعا وكىلىن جىبەرگەن كومپانيالاردىڭ اراسىندا Apple, Intel, Amazon, Cisco, SAP، Nokia, Ericsson, Siemens, Samsung Electronics, Alibaba, Huawei, Hikvision, Tencent, ت. ب. بار.

كونفەرەنسيا اياسىندا 20 دان استام تاقىرىپتىق فورۋم وتەدى. وندا جاساندى ينتەللەكت، ونەركاسىپتى سيفرلاندىرۋ، كيبەركەڭىستىكتى رەتتەۋدىڭ حالىقارالىق نورمالارى مەن ەرەجەلەرىن ازىرلەۋ ماسەلەلەرى تالقىلانادى.

شارادا ينتەرنەتتىڭ 2019 الەمدەگى جانە قىتايداعى دامۋى، جەلىلىك تەحنولوگيالاردىڭ ادامزات پروگرەسىنە قوساتىن ۇلەسى تۋرالى باياندامالار وقىلادى.

ۇلكەن دەرەكتەر، بۇلتتىق تەحنولوگيالار، ونەركاسىپتەگى ينتەرنەت، 5G جەلىسى سالالارىنداعى 60 تان استام يننوۆاتسيالىق ءونىم ايتۋلى شارانىڭ كورمەسىندە كورسەتىلەدى.

ەسكە سالا كەتەيىك، ۋچجەندە العاشقى دۇنيەجۇزىلىك ينتەرنەت- كونفەرەنسيا 2014 -جىلى وتكەن بولاتىن.

اۆتورى رۋسلان سۇلەيمەنوۆ


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات