باس اۋرۋىنىڭ ءسىز ويلاماعان 6 سەبەبى

None
None
نۇر-سۇلتان. قازاقپارات - باستىڭ اۋىرۋى ادامدار اراسىندا وتە ءجيى كەزدەسەتىنى قۇپيا ەمەس. بىرەۋلەر باسىنىڭ اۋىرعانىن شاي ىشپەگەننەن دەپ ويلاسا، باسقالارى كومپيۋتەردىڭ الدىندا ۇزاق وتىرعانىنان كورىپ جاتادى.

باس اۋرۋىنىڭ كوپشىلىك بىلەتىن سەبەپتەرى از ەمەس: باس ساقيناسى اۋرۋىنىڭ بولۋى، دالاعا شىقپاۋ، كۇنى بويى ەكراننىڭ الدىندا وتىرۋ، تۇماۋلاتۋ، شۋ جانە ت. ب. ءبىراق ونىڭ ءسىز بىلمەيتىن جاسىرىن سەبەپتەرى دە بار.

1. تۇزدى تاماق قانداعى ناترييدىڭ ارتىپ كەتۋى بۇيرەكتىڭ سۋ شىعارۋىنا كەدەرگى جاسايدى جانە قىسىمدى كوتەرەدى. تۇزى كوپ تاعامدى مولشەردەن تىس جەۋ باس اۋرۋىن شاقىرادى. باسىڭىز ءجيى اۋىرسا، دارىگەرگە كورىنىڭىز. ەگەر دەنساۋلىعىڭىزدا ءبارى دۇرىس بولسا، تۇزدى تاعامدى ازايتىپ كورىڭىز.

2. شاشتى قىسىپ جيناۋ كەي شاش ۇلگىلەرى شاشتى قاتتى قىسۋدى جانە باس تەرىسىن تارتۋدى قاجەت ەتەدى. ول دا باس اۋرۋىنىڭ ءبىر سەبەبى بولۋى مۇمكىن. كوپتەگەن زەرتتەۋلەر بويىنشا، ايەلدەر شاش ۇلگىلەرىنىڭ سەبەبىنەن باس اۋرۋىن ءجيى سەزىنەدى ەكەن.

3. تومەنگى جاقسۇيەك بۋىنىنىڭ ديسفۋنكتسياسى تومەنگى جانە جوعارعى جاقتى بايلانىستىراتىن بۋىن دۇرىس جۇمىس ىستەمەسە، ول باس اۋرۋىن شاقىرادى. بۇل اۋرۋ ەرەسەكتەردىڭ %10-20- ىندا كەزدەسەدى. بۇل دياگنوزدىڭ بار- جوعىن ءبىلۋ ءۇشىن ءتىس دارىگەرىنە قارالۋ قاجەت.

4. تراپەتسيالىق بۇلشىقەتتەردىڭ قىسىلۋى ەگەر ارقاعا كۇش دۇرىس تۇسپەسە، جۇك مويىن بۋىندارىن قىساتىندىقتان، ومىرتقارالىق ديسكتەر ورنىنان جىلجيدى. ال ول باس اۋرۋىنا سەبەپ بولادى.

5. گلاۋكوما (كوز اۋرۋى) كوز ءىشى قىسىمىنىڭ ارتۋى كورۋ جۇيكەسىنىڭ جانسىزدانۋىنا اكەلەدى. سوندىقتان باس اۋرۋى، جۇرەك اينۋ، تەمپەراتۋرا، جارىقتان قورقۋ پايدا بولادى. گلاۋكوما بەلگىلەرىن بايقاساڭىز، بىردەن كوز دارىگەرىنە قارالۋ كەرەك. سەبەبى بۇل اۋرۋ سوقىرلىققا اكەلۋى مۇمكىن.

6. كوگىلدىر ىرىمشىكتەر كوگىلدىر ىرىمشىكتەر، شۆەيتساريالىق گريۋيەر، پارمەزان، بەكون جانە سۇرلەنگەن ەتتە تيرامين دەگەن زات بار. ول قىسىمدى كوتەرىپ، بۋىندار مەن باس اۋرۋدى شاقىرۋى مۇمكىن.



Massaget.kz


سوڭعى جاڭالىقتار