09:35, 11 - قىركۇيەك 2019 | GMT +6
قاسىم-جومارت توقايەۆ قازاقستان- قىتاي ىسكەرلىك كەڭەسىنىڭ 6-وتىرىسىنا قاتىستى
نۇر-سۇلتان. قازاقپارات - قازاقستان پرەزيدەنتى قاسىم- جومارت توقايەۆ قىتايدا باياندامالارىنىڭ بارلىعىن قازاقشا جاساپ جاتىر.
بۇل تۋرالى بۇگىن ءوزىنىڭ Facebook-تەگى پاراقشاسىندا مەملەكەت باسشىسىنىڭ باسپا ءسوز حاتشىسى بەرىك ءۋالي جازدى.
«قازاقستان پرەزيدەنتى قاسىم-جومارت توقايەۆ قىتاي حالىق رەسپۋبليكاسىنا باستالعان مەملەكەتتىك ساپارى اياسىنداعى جوسپارلانعان كەزدەسۋلەردىڭ بارلىعىندا بايانداماسىن قازاق تىلىندە جاساۋدا. اتاپ ايتساق، مەملەكەت باسشىسى قازاقستان- قىتاي ىسكەرلىك كەڭەسىنىڭ 6-وتىرىسىنىڭ اشىلۋىندا سويلەگەن ءسوزىن، سونداي-اق، ق ح ر ىسكەر توپتارىنىڭ وكىلدەرىمەن كەزدەسۋىندەگى بايانداماسىن جانە قىتاي قوعامدىق عىلىمدار اكادەمياسىنداعى بايانداماسىن تولىعىمەن مەملەكەتتىك تىلدە جاسادى»، - دەپ جازدى باسپا ءسوز حاتشىسى.
ايتا كەتەيىك، وسىعان دەيىن قاسىم-جومارت توقايەۆتىڭ قىتايعا مەملەكەتتىك ساپارى باستالعاندىعىن حابارلادىق.
