+7 (701) 759 90 19 Лента
18 °С : نۇر-سۇلتان
16 °С : الماتى
USD 386.71 EUR 429.17
RUB 6.02 CNY 54.66
جاڭالىقتار

ەرلان قارين: ۇلتتىق كەڭەستىڭ العاشقى رەسمي جيىنى 6 - قىركۇيەكتە وتەدى

21 تامىز 21:08
:ءبولىسۋ
ەرلان قارين: ۇلتتىق كەڭەستىڭ العاشقى رەسمي جيىنى 6 - قىركۇيەكتە وتەدى

نۇر- سۇلتان. قازاقپارات - ۇلتتىق قوعامدىق سەنىم كەڭەسىنىڭ العاشقى وتىرىسى 6 - قىركۇيەكتە وتەدى. وتىرىسقا قازاقستان پرەزيدەنتى قاسىم- جومارت توقايەۆ قاتىسادى. بۇل تۋرالى مەملەكەت باسشىسىنىڭ كەڭەسشىسى، ۇلتتىق كەڭەس حاتشىسى ەرلان قارين ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ قاتىسۋىمەن ۇلتتىق قوعامدىق سەنىم كەڭەسىنىڭ العاشقى وتىرىسى شامامەن 6 - قىركۇيەكتە وتەدى. قازىرگى ۋاقىتتا العاشقى كەڭەيتىلگەن وتىرىسقا قىزۋ دايىندىق جۇرگىزىلىپ جاتىر»، - دەدى «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىنان كەيىن ەرلان قارين.

ونىڭ ايتۋىنا قاراعاندا، وسى جىلدىڭ شىلدە مەن تامىز ايلارىندا الماتى جانە نۇر- سۇلتان قالالارىندا ۇلتتىق كەڭەسكە مۇشەلىككە ەنگەن ازاماتتارمەن كەزدەسۋ وتكىزىلگەن. سونداي- اق، تالقىلاۋ بارىسىندا ۇلتتىق قوعامدىق سەنىم كەڭەسىنىڭ العاشقى وتىرىسىنىڭ الدىندا ۇيىمداستىرۋشىلىق جيىندى وتكىزۋ كەلىسىلگەن.

«ىشكى سۇراقتاردى - ۇلتتىق كەڭەس جۇمىسىنىڭ جالپى رەگلامەنتىن، جۇمىس توپتارىن قۇرۋ ماسەلەلەرى مەن قۇرامىن تالقىلاۋ ءۇشىن الدىن الا جيىن وتەدى. ۇيىمداستىرۋشىلىق جيىن 28 - تامىزعا جوسپارلانعان»، - دەپ ءتۇسىندىردى ەرلان قارين.

اۆتور: ايان بەكەن ۇلى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات