6-تامىز كۇنگى اۋا رايى بولجامى
رەسپۋبليكانىڭ قالعان اۋماعىندا جاۋىن-شاشىنسىز اۋا رايى كۇتىلەدى. جەكەلەگەن وڭىرلەردە جەل كۇشەيەدى، داۋىل، تۇمان، شاڭدى داۋىل جانە بۇرشاق بولجانادى، دەپ حابارلايدى قازاقپارات.
«قازگيدرومەت» ر م ك مالىمەتىنە سايكەس، سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان، كۇندىز كەي جەرلەرىندە داۋىل كۇتىلەدى، بۇرشاق جاۋۋى مۇمكىن، جەل 15-20 م/س كۇشەيەدى.
قوستاناي وبلىسىنىڭ جەكەلەگەن اۋماقتارىندا جەل 15-20 م/س ارتادى، كۇندىز بۇرشاق بولۋى مۇمكىن.
پاۆلودار وبلىسىنىڭ كەي جەرلەرىن تۇمان باسىپ، كۇندىز جەلدىڭ كۇشى 15-20 م/س جەتەدى.
جامبىل، ماڭعىستاۋ وبلىسىنىڭ كەي جەرلەرىندە شاڭدى داۋىل، 15-20 م/س ەكپىندەگى جەل بولجانادى.
اتىراۋ، باتىس قازاقستان، ماڭعىستاۋ وبلىستارىندا، كۇندىز تۇركىستان وبلىسىندا، تۇندە شىعىس قازاقستان وبلىسىنىڭ كەي جەرلەرىندە جەل 15-20 م/س كۇشەيەدى.
اقمولا وبلىسىندا كۇندىز داۋىل، شاڭدى داۋىل كۇتىلەدى، جەلدىڭ جىلدامدىعى 15-20 م/س جەتەدى.
قىزىلوردا وبلىسىنىڭ كەي جەرلەرىندە كۇندىز شاڭدى داۋىل تۇرىپ، 15-20 م/س ەكپىندە جەل سوعادى.
اقتوبە وبلىسىنىڭ كەي جەرلەرىندە جەلدىڭ 16 م/س كۇشەيۋى كۇتىلەدى.
سونداي-اق كۇندىز الماتى، جامبىل، قىزىلوردا، قاراعاندى وبلىستارىندا، اقمولا، تۇركىستان وبلىستارىنىڭ كەي جەرلەرىندە قاتتى ىستىق ساقتالادى.
بۇدان بولەك، قىزىلوردا، تۇركىستان، جامبىل، الماتى وبلىستارىندا، قاراعاندى، اقتوبە، شىعىس قازاقستان، اقمولا وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.