اقتوبەلىك كاسىپكەرلەرگە 6 پايىزبەن نەسيە بەرىلدى

None
None
اقتوبە. قازاقپارات - «ەڭبەك» باعدارلاماسى اياسىندا اۋىل شارۋاشىلىعىن قارجىلاي قولداۋ قورى بيىل 2,1 ميلليارد تەڭگەنى يگەرەدى.

قازىر كاسىبىن باستاعاندار العاشقى ءونىمىن الىپ جاتىر، دەپ حابارلايدى قازاقپارات ءتىلشىسى.

«اۋىل شارۋاشىلىعىن قارجىلاي قولداۋ قورى» ا ق- ى وبلىستىق فيليالى نەسيە ءبولىمىنىڭ باسشىسى نۇرلان قوسماعامبەتوۆتىڭ ايتۋىنشا، كاسىپكەرلىكتى دامىتۋعا «ەڭبەك» باعدارلاماسىمەن 2019-جىلعا 3,8 ميلليارد تەڭگە ءبولىندى.

«2018-جىلى 655 كاسىپكەرگە نەسيە بەرىلدى. ولارعا 2,4 ميلليارد تەڭگەگە كومەك كورسەتىلدى. وسى جىلدىڭ بەس ايلىق قورىتىندىسى بويىنشا قارجىنىڭ 35 پايىزى يگەرىلدى»، - دەدى نۇرلان قوسماعامبەتوۆ.

قور تىلشىلەرگە وڭىردە اتقارىلىپ جاتقان جۇمىستاردى كورسەتتى. العاشقى جوبا - تىگىن سەحى. مۇندا ساناۋلى ادام عانا جۇمىس ىستەيدى. دەگەنمەن كەز كەلگەن ۋاقىتتا تاپسىرىستى ورىنداپ، قىز جاساۋىن تۇگەلدەپ بەرەدى.

ۇيدە جۇمىسسىز وتىرعان گۇلايدا ۋبانيازوۆا كاسىپكەرلىك پالاتاسى ارقىلى «باستاۋ» باعدارلاماسىن ءبىتىردى. كەيىن ەنەسى جۇماحان نيازىمبەتوۆانىڭ ءىسىن جالعاستىرۋ ءۇشىن «اۋىل شارۋاشىلىعىن قارجىلاي قولداۋ قورى» ا ق- ى ارقىلى 6 ميلليون تەڭگە نەسيە الدى. قارجى بەس جىلعا 6 پايىزدىق ۇستەمەاقىمەن بەرىلدى. بۇل اقشاعا قىتايدان كورپە تىگەتىن قۇرال- جابدىق اكەلدى.

«تىگىن ماشيناسىمەن قاتار ماقتا وڭدەيتىن اپپاراتىمىز بار. بۇل اتا جولىمەن قىز جاساۋىن دايىنداۋعا مۇمكىندىك بەرەدى. ەكى جۇمىسشىمىز بار. تاپسىرىس اتىراۋدان، ءتىپتى رەسەيدەن ءتۇسىپ جاتىر. ءوىمىز اقتوبە قالاسىنداعى ساۋدا ورنىنا جەتكىزىپ، ساتامىز»، - دەدى كاسىپكەر گۇلايدا ۋبانيازوۆا.

تىگىن سەحى كۇنىنە 50 كورپە تىگە الادى. قاجەتتى ماقتا مەن ماتانى شىمكەنت قالاسىنان تاسيدى. دايىن كورپە باعاسى ءتورت مىڭ تەڭگەدەن باستالادى.

«2018-جىلى «باستاۋ» باعدارلاماسى ارقىلى ءبىر اي وقىپ، بيزنەس جوسپار جاسادى.

كاسىپكەرلىك پالاتاسى كومەكتەسىپ، نەسيە الۋعا قۇجات جينادى. الداعى ۋاقىتتا تاعى دا نەسيە الۋعا مۇمكىندىك بار. اۋدان بويىنشا وتكەن جىلى 137 ادام وقىتىلدى. ونىڭ 49 ى نەسيە، گرانت الدى. كوبى اۋىل شارۋاشىلىعى سالاسىن تاڭدادى»، - دەدى كاسىپكەرلىك پالاتاسىنىڭ اۋداندىق فيليال ديرەكتورى ايگۇل باۋبەكوۆا.

ەكىنشى بيزنەس جوبا - پانتوساناتوري. ەمدەۋ ورنى مارتوك اۋدانىنىڭ كازانكا اۋىلىندا ورنالاسقان. اقتوبەدە عانا ەمەس، باتىس قازاقستان ءۇشىن تاڭسىق ءىستى قولعا العان كاسىپكەر ءبىر جىلدى ارتتا قالدىردى. قازىر 150 باس مارال مارتوكتەن ۇزاپ كەتپەيدى. العاشقىدا «بيزنەستىڭ جول كارتاسى - 2020» باعدارلاماسىمەن 200 ميلليون تەڭگە نەسيە الىپ ءىستى باستاپ، كەيىن «اۋىل شارۋاشىلىعىن قارجىلاي قولداۋ قورى» ا ق ارقىلى 12 ميلليون تەڭگە راسىمدەدى.

بۇل قارجىعا كاسىپكەر شىنجىر تاباندى تيەگىش ساتىپ الدى. قىستا قار توقتاتىپ، جول اشۋعا ارنالعان تەحنيكاعا قارجى 6 پايىزدىق ۇستەمەاقىمەن بەرىلدى.

ايتا كەتەيىك، كاسىپكەرلەر جىلىجاي اۋماعىن تاعى ەكى گەكتارعا كەڭەيتۋدى جوسپارلاپ وتىر. بيىلعى ءونىم تولىق جينالدى قىسقا دايىندىق باستالدى.

سوڭعى جاڭالىقتار