بۇگىن ەلوردادا 6 مىڭ تۇلەك ءۇشىن سوڭعى قوڭىراۋ سوعىلدى

نۇر-سۇلتان. قازاقپارات - 2018-2019 وقۋ جىلىنىڭ قورىتىندىسى بويىنشا نۇر- سۇلتان قالاسىندا 6274 وقۋشى مەكتەپ بىتىرەدى.

بۇگىن قالاداعى بارلىق مەكتەپتەردە تۇلەكتەر ءۇشىن سوڭعى قوڭىراۋ سوعىلدى، دەپ حابارلايدى ەلوردا ينفو.

قازىرگى ۋاقىتتا نۇر-سۇلتان قالاسى بويىنشا ۇلتتىق ءبىرىڭعاي تەستىلەۋگە قاتىسۋعا 5856 وقۋشى (%93،3) نيەت بىلدىرىپتى. ونىڭ ىشىندە قازاق ءتىلىن 5791 وقۋشى تاپسىرسا، ورىس تىلىندە - 2068، ال اعىلشىن ءتىلىن 12 وقۋشى تاڭداعان.

ايتا كەتەيىك، وتكەن وقۋ جىلى 5329 تۇلەكتەر ىشىنەن ۇ ب ت- عا %90،7 ى قاتىستى.

سول سياقتى «التىن بەلگىگە» 324 تۇلەك ۇمىتكەر بولسا، ۇزدىك اتتەستاتتاۋعا 352 ادام قاتىسپاق. وتكەن جىلعى كɵرسەتكىشپەن سالىستىرار بولساق، «التىن بەلگى» يەگەرلەر سانى - 301، ۇزدىك اتتەستات - 322.

بيىل تۇلەك سانى ەڭ كوپ №54 مەكتەپتە تىركەلگەن - 151 تۇلەك. ال «التىن بەلگىگە» ۇمىتكەرلەردىڭ ەڭ كوبى №1 مەكتەپتە جانە فيزيكا- ماتەماتيكا باعىتىنداعى نازاربايەۆ زياتكەرلىك مەكتەبىندە (16 ادام)، №48 مەكتەپتە (13 ادام)، №69، №62 جانە نۇر وردا مەكتەپتەرىندە (11 ادام)، №61 مەكتەپتە جانە ب ي ل (ۇلدار) - 9 ادامنان تىركەلگەن.

«ۇزدىك اتتەستات الاتىن ۇمىتكەرلەر: 30 تۇلەك - فيزيكا- ماتەماتيكا باعىتىنداعى نازاربايەۆ زياتكەرلىك مەكتەبىندە، بيل قىزدار - 21 تۇلەك، نۇر وردا - 20، بيل ۇلدار - 19، №51 جانە نازاربايەۆ زياتكەرلىك مەكتەبىندە (حالىقارالىق باكالاۆريات) - 12 جانە №1، №17، №56، №66 مەكتەپتەردە 11 تۇلەكتەن بار»، - دەپ ءمالىم ەتتى قالالىق ءبىلىم باسقارماسىنىڭ باسپا ءسوز قىزمەتى.