ەلوردادا 6 - شىلدەدە وتەتىن كاسىپقوي بوكس كەشىندە قانداي بوكسشىلار رينگكە شىعادى

نۇر- سۇلتان. قازاقپارات - قازاقستاننىڭ باس قالاسى نۇر- سۇلتانداعى 12 مىڭ كورەرمەندى سىيعىزا الاتىن «بارىس ارەنادا» 6 - شىلدە كۇنى كاسىپقوي بوكس كەشى وتەدى، دەپ حابارلايدى قازاقپارات ءتىلشىسى.
«6 - شىلدە كۇنى ەلوردادا كاسىپقوي بوكس كەشى وتكەلى جاتىر. بۇل تاريحي ساتتەردىڭ ءبىرى بولعالى تۇر. سەبەبى، بۇل كەشتە جاڭقوش تۇراروۆ شارشى الاڭعا ورالادى. جاڭقوش سوڭعى ءبىر جارىم جىل بويى ايقاسقا شىقپاعان ەدى. تاعى ءبىر ايتا كەتەرلىگى - بۇل كەشكە ءتۇبى ماروككولىق فرانسۋز بوكسشىسى نوردين وۋبالي شىققالى وتىر. بوكس كەشى «بارىس- ارەنادا» وتەدى. بيلەت باعاسى 500-2000 تەڭگە ارالىعىندا بولادى. بارىنشا تانىمال بوكسشىلاردى تارتۋعا تىرىسامىز» ، - دەيدى MTK Kazakhstan پروموۋتەرلىك كومپانياسىنىڭ باسشىسى اسقار سالىقبايەۆ و ك ق- دا وتكەن باسپا ءسوز ءماسليحاتىندا.
الەمدەگى ەڭ ءىرى سپورتتان حابار تاراتۋشى ESPN بۇل وقيعانى ا ق ش، كاناداداعى جانە پۋەرتو- ريكوداعى 100 ميلليوننان استام كورەرمەنگە ترانسلياتسيا جاسايدى. سونداي- اق iFL TV بۇل وقيعانىڭ قالعان الەمدەگى كورەرمەندەرگە كورسەتىلىمىن قامتاماسىز ەتۋ ءۇشىن ترانسلياتسيا جۇرگىزەتىن بولادى. تۇراروۆپەن بىرگە جەڭىل سالماقتا WBC بويىنشا الەم چەمپيونى تيتۋلىن جانە تيىسىنشە ورتاشا سالماقتا WBO بويىنشا ەۋروپا چەمپيونى تيتۋلىن قورعايتىن نوردين وۋباالي جانە دەۆيد وليۆەر دجويس سياقتى حالىقارالىق جۇلدىزدار دا ءوز جەكپە- جەكتەرىن وتكىزەدى.
بۇعان قوسا اتالمىش كەشتە سۇلتان زاۋىربەك، ۆيكتور كوتوچيگوۆ، الي بالويەۆ، ءابىلقايىر شەگالييەۆ، نۇرتاس اجبەنوۆ جانە اباي تولەش سەكىلدى بوكسشىلار شىعادى.
- قانداي بەلگى باسىلعان دوڭگەلەكتەر قىستا تايعانامايدى؟
- الماتى زووباعىنداعى الكور اتتى اق ايۋ 30 عا تولدى
- بالقاش كولىندە مۇز ءبولىنىپ، ۇستىندەگى 4 بالىقشىنى اعىزىپ اكەتكەن
- ەلىمىزدىڭ ءتورت وڭىرىندە ەسكەرتۋ جاريالاندى
-
ماۋزىدۇڭ جۇمابەك تاشەنەۆقا: حرۋشيەۆ ءۇشىن ءسىز ۇيالماي- اق قويىڭىز
-
جاپپاي ساتىلىمنىڭ سىرى نەدە؟


