اق جول پارتياسىنان 6 ادام سايلاۋعا قاتىسۋعا نيەتتى
بۇگىندە پارتيا اتىنان 6 ادام پرەزيدەنتتىك سايلاۋعا قاتىسۋعا نيەتتى. قۇرىلتاي ولاردىڭ ىشىنەن ءبىر ادامدى پرەزيدەنتتىككە ۇمىتكەر رەتىندە بەكىتۋى قاجەت، دەپ حابارلايدى قازاقپارات ءتىلشىسى.
ايتا كەتەيىك، 13 -ساۋىردە «اق جول» پارتياسى ورتالىق كەڭەسىنىڭ پلەنۋمى پرەزيدەنتتىك سايلاۋعا ۇمىتكەرلەردى انىقتاي المادى. بۇعان دەيىن وسكەمەن قالالىق ءماسليحاتىنىڭ دەپۋتاتى قۋات راحىمبەردين، تاراز قالالىق ءماسليحاتىنىڭ دەپۋتاتى اسان قوشمامبەتوۆ، اتىراۋ وبلىستىق فيليالىنىڭ وكىلى سەرىك ەرۋبايەۆ جانە س ك و فيليالىنىڭ ءتوراعاسى ەۆگەني كينسەل ءوز كانديداتۋرالارىن جولداعان بولاتىن. بەرتىن كەلە، ولارعا ق ر پارلامەنت ءماجىلىسىنىڭ دەپۋتاتى دانيا ەسپايەۆا مەن قازاقستان قۇرىلىسشىلار وداعىنىڭ ءتوراعاسى تالعات ەرعاليەۆ قوسىلدى.
بۇگىن بارلىق ۇمىتكەرلەر وزدەرىنىڭ بەينەباياندارىن كورسەتىپ، سايلاۋالدى ۇستانىمدارىن جاريالادى. سونداي-اق، دەلەگاتتاردىڭ سۇراقتارىنا جاۋاپ بەردى. «اق جول» دەموكراتيالىق پارتياسىنىڭ كەزەكتەن تىس XV قۇرىلتايى اشىق جانە قۇپيا داۋىس بەرۋ ارقىلى ءبىر كانديداتتى انىقتايدى. ول ادام پارتيانىڭ اتىنان الداعى پرەزيدەنتتىك سايلاۋعا قاتىساتىن بولادى.