07:51, 17 - ءساۋىر 2019 | GMT +6
ۇشاق تۇرعىن ءۇيدىڭ جانىنا قۇلاپ، 6 ادام قازا تاپتى
نۇر-سۇلتان. قازاقپارات - چيليدە شاعىن ۇشاق اپاتقا ۇشىراپ، التى ادام مەرت بولدى، دەپ حابارلايدى El Nacional باسىلىمى.
«ارحيپەلاگوس» كومپانياسىنىڭ ۇشاعى چيليدىڭ لوس-لاگوس وڭىرىندەگى رەيستى ورىنداعان. اۋە كەمەسى پۋەرتو-مونت قالاسىنداعى ەكى ءۇيدىڭ اراسىنا قۇلاعان. ولاردىڭ ءبىرى تۇگەلدەي جانىپ كەتتى. وقيعا ورنىندا قۇتقارۋ قىزمەتى لاپىلداعان جالىندى سوندىرۋگە ارەكەت جاساپ جاتىر.
بورتتا قانشا ادامنىڭ بولعانى، سونداي-اق ۇشاقتىڭ نە سەبەپتى قۇلاعانى جونىندە ازىرگە اقپارات تۇسە قويعان جوق.