مىسىرداعى ەڭ تانىمال كۋرورت 6 مەترلىك قابىرعامەن قورشالىپ جاتىر
باسىلىمنىڭ حابارلاۋىنشا، وڭىردە 2015-جىلى لاڭكەستەردىڭ شابۋىلىنان رەسەيدىڭ جولاۋشىلار ۇشاعى اپاتقا ۇشىراپ، 224 ادام قازا تاپقان. كەيىن كۋرورتقا كەلەتىن تۋريستەردىڭ سانى كۇرت قىسقارعان.
قابىرعانىڭ قۇرىلىسىنان الىنعان فوتوسۋرەتتەردىڭ دالەل رەتىندە كەلتىرىلگەنىنە قاراماستان، وڭتۇستىك سيناي گۋبەرناتورى بۇل دەرەكتى جوققا شىعارىپ وتىر.
«بۇل قابىرعا ەمەس، كىم ايتتى سىزدەرگە بۇنى قابىرعا دەپ؟ بىزدە قابىرعا جوق»، - دەيدى گۋبەرناتور حالەد فۋدا. ونىڭ ايتۋىنشا، بۇل جوبا بيىك بەتون توسقاۋىلدار مەن 37 كيلومەترگە سوزىلىپ جاتقان، ۇستىنە تىكەندى سىم تارتىلعان قورشاۋدى قامتيدى ءارى ادەمى ءتورت ەسىگى دە بار.
فۋدا جوبا شارم-ەل-شەيحتىڭ ءسانىن كەلتىرىپ، قاۋىپسىز ەتۋگە باعىتتالعان دەپ سەندىرۋدە.
«ءبىز مۇنى بولاشاق ءۇشىن جاساپ وتىرمىز، ول شارم-ەل-شەيحتىڭ تۋريزمنەن كەلەتىن تابىسىن ارتتىرادى»، - دەيدى ول.
ءوز كەزەگىندە، تۇرعىندار التى مەترلىك قابىرعا قالانى سىرتقى الەمنەن وقشاۋلاپ تاستاۋى مۇمكىن دەپ الاڭداپ وتىر.