پارا ازيا كۋبوگى: قازاقستان قورجىنىندا 6 مەدال بار

استانا. قازاقپارات - يراندا پارا شاڭعى مەن بياتلون سپورتىنان ازيا كۋبوگى ءوتىپ جاتىر، دەپ حابارلايدى قازاقپارات ۇلتتىق پاراليمپيادا كوميتەتىنە سىلتەمە جاساپ.

«ازيا كۋبوگىندا قازاقستان قۇراماسى اتىنان قوستاناي وبلىسىنىڭ 3 سپورتشىسى قاتىسۋدا»، - دەپ جازىلعان كوميتەتتىڭ فەيسبۋك پاراقشاسىندا.

جارىستىڭ ءبىرىنشى كۇنگى ناتيجەسىندە 5 شاقىرىم قاشىقتىقتا يۋري بەرەزين التىن مەدال (وتىرىپ ويناۋ، كلاسسيكا)، ۆلاديمير ستاسسيۋك كۇمىس مەدال (تۇرىپ ويناۋ) جانە نۇرلان ءالىموۆ (تۇرىپ ويناۋ) قولا جۇلدە يەلەندى.

سپورت باسەكەسىنىڭ ەكىنشى كۇننىڭ قورىتىندىسى بويىنشا 10 شاقىرىم قاشىقتىقتا يۋ. بەرەزين التىن مەدال، ن. ءالىموۆ كۇمىس جانە ۆ. ستاسسيۋك قولا جۇلدەنى ەنشىلەدى.