شىمكەنت تويلارىنىڭ« گۇلىنە» اينالعان 6 جاسار يناباتتىڭ اناسىنا زاڭگەرلەر ەسكەرتۋ جاسادى
ك ت ك ارناسىنىڭ «استارلى اقيقات» باعدارلاماسىنا يناباتتىڭ اناسى مەن اعاسى كەلىپ، ءمان- جايدى ايتتى.
اعاسى ءارى يناباتتىڭ بۇگىنگى «پروديۋسەرى» اسحاتتىڭ ايتۋىنا قاراعاندا، بۇگىندە ءبۇلدىرشىننىڭ ونەرىن جاقسى كورەتىن كورەرمەن قانشالىقتى كوپ بولسا، سىناۋشىلار قاتارى دا سونشالىقتى كوبەيگەن. حالىق بۇل وتباسىن كىشكەنتاي بالانىڭ ەڭبەگىن پايدالانىپ، اقشا تاۋىپ ءجۇر دەپ ايىپتايتىن كورىنەدى.
« قارىنداسىم بويانبادى ەمەس، بوياندى. باسىندا مويىندايمىن، بىلمەدىم. قازىر بارلىق نارسەسىن وزگەرتىپ جاتىرمىز. ءستيلىن، وبرازىن، اندەرىن...
تويعا انام، قارىنداسىم ۇشەۋمىز شىعامىز. ءبىزدى ەشكىم تەكسەرىپ جاتقان جوق. ءبىز ساعات 8 دە تويعا بارساق، 12 دە قايتىپ جاتىر دەگەن اڭگىمەلەر كەتىپ جاتىر. مىسالى، ءبىز كەشكى 8 دە بارامىز تويعا. 2 ءانىن ايتادى، توي يەسى تاعى ءان ايتسىنشى دەپ ءوتىنىپ جاتادى. ايتامىز. شىمقالانىڭ اسابالارى يناباتتى تانيدى. سوندىقتان تەزىرەك جىبەرىڭىزدەر، ساباعى بار دەپ ايتامىز. ءبىراق ءبىز ساباق ۋاقىتىندا تويعا شىقپايمىز. سەبەبى ديرەكتور رۇقسات ەتپەيدى»، - دەيدى جاس تالانتتىڭ اعاسى.
ينابات تويدا ەركە ەسماحاننىڭ «قايدا؟ » انىنەن باستاپ بۇگىندە حالىق اراسىندا كەڭىنەن تانىمال حيت اندەردى ورىندايدى. الايدا بالا تاربيەسىن باستى نازارعا العان الدىڭعى بۋىنعا كىشكەنتاي ءبۇلدىرشىننىڭ ماحاببات تاقىرىبىندا ءان سالىپ جۇرگەنى ۇناماي قالدى. الايدا اناسىنىڭ ايتۋىنشا، ينابات تويدا ورىنداپ جۇرگەن اندەرىنىڭ كوبىن ءوزى تاڭدايدى.
«ينابات العاشقىدا ەركە ەسماحاننىڭ «قايدا» انىمەن شىقتى. بۇل ءاندى ءوزى ۇناتىپ، جاتتاپ الدى»، - دەيدى اناسى ساندۋعاش.
«ول ءبىرىنشى سىنىپقا ەندى باردى. قازىر ەندى عانا «ءۇ» ءارپىن وقىپ جاتىر. تولىق وقي دا المايدى. سوزبە ءسوز جاتتامايدى، اۋەندى جاتتايدى»، - دەيدى اعاسى اسحات.
ال زاڭگەر شولپان ريزابەك تويدىڭ ءسانىن كەلتىرىپ جۇرگەن يناباتتىڭ جاقىندارىنا ەسكەرتۋ جاسادى. ول 14 جاسقا تولماعان بالانى ەڭبەككە سالۋ «قىلمىسپەن» پارا- پار ەكەنىن ايتىپ ءوتتى.
« بالا شارشايدى، قانشاما ەنەرگياسىن جۇمسايدى. بۇل ونىڭ دەنساۋلىعىن بوپسالاۋعا الىپ بارادى. زاڭدا رەتتەلگەن نارسەنى شەكتەن شىعۋعا بولمايدى.
بالا ەڭبەگى شەكتەۋلى. 14 جاسقا تولماعان بالانىڭ ەڭبەگىن ماقسات تۇتىپ، ودان اقشا تابۋ امالدارىن جاساۋعا بولمايدى»، - دەپ ەسكەرتتى ول.