تەلەفون باتارەياسىن ۇزاق پايدالانۋ جونىندە 6 كەڭەس

استانا. قازاقپارات - تەلەفوننىڭ باتارەياسىن نە سەبەپتەن نولگە دەيىن تاۋىسۋعا جانە قۇرىلعىنى نەلىكتەن ءتۇنى بويى توققا قويۋعا بولمايدى.

وسى سۇراقتارعا جاۋاپ رەتىندە Stan.kz اقپاراتتىق اگەنتتىگى تەلەفون باتارەياسىن ۇزاق پايدالانۋ جونىندە 6 كەڭەس ۇسىنادى.

بۇگىندە كوپتەگەن سمارتفوندار ليتي-يوندى جانە ليتي-پوليمەرلى اككۋمۋلياتورمەن جابدىقتالعان. ولاردىڭ نەگىزگى پروبلەماسى توزىپ، ەسكىرۋىندە. جانە ءسىز گادجەتتى قالاي قولدانساڭىز دا، ونىڭ اككۋمۋلياتورى قايتكەن كۇندە دە ءوز سىيىمدىلىعىن جوعالتادى. بۇل پروتسەستى توقتاتۋ مۇمكىن ەمەس، ءبىراق ونى باسەڭدەتۋگە بولادى.

1. تەلەفوننىڭ باتارەياسىن %0 عا دەيىن تۇسىرمەڭىز.

باتارەيانىڭ قىزمەت ەتۋ مەرزىمى قايتا زاريادتاۋ تسيكلىنىڭ سانىنا بايلانىستى. تسيكل بويىنشا، باتارەيا %100  عا دەيىن زاريادتالادى، ال قۋاتى تولىق تاۋسىلعاندا %0 عا تۇسەدى. ورتاشا العاندا، زاماناۋي سمارتفونداردىڭ باتارەيالارى وسىنداي 400-500 تسيكلگە ەسەپتەلىنگەن، سودان كەيىن سىيىمدىلىعىنىڭ ازايعانى ايتارلىقتاي بايقالا باستايدى.

دەگەنمەن، باتارەيانى نولگە دەيىن وشىرمەسەڭىز تسيكل سانى الدەقايدا جوعارى بولادى. مۇندا زاريادتىڭ ءبىتۋىنىڭ تەرەڭدىگى ماڭىزى ءرول وينايدى. ول پايىزبەن ولشەنەدى جانە جۇمسالعان زارياد دەڭگەيىنە تەڭ. ياعني، ەگەر سمارتفون باتارەيانىڭ %30  ىن كورسەتسە، وندا زاريادتىڭ ءبىتۋىنىڭ تەرەڭدىگى %70 دى قۇرايدى.

ءدال وسى زارياد ءبىتۋىنىڭ تەرەڭدىگىنىڭ ازايۋ تسيكلدىڭ سانىن كوبەيتۋگە مۇمكىندىك بەرەدى. سول سياقتى، تەلەفوندى %100 عا دەيىن تولىعىمەن زاريادتاۋ دا، باتارەيانىڭ قىزمەت مەرزىمىن بىرتىندەپ قىسقارتادى. سوندىقتان %40-80 زاريادتى ساقتاۋ ليتي باتارەيالارى ءۇشىن وڭتايلى بولىپ سانالادى.

2. سمارتفوندى ءتۇنى بويى زاريادتاۋعا بولمايدى.

سمارتفوندى ءتۇنى بويى زاريادتاۋعا كەڭەس بەرمەيمىز. بۇندا ماسەلە ورىنسىز % 100 دى زاريادتا ەمەس. ءسىز ارنايى قوسىمشالار ارقىلى تەك %80 عا دەيىن زاريادتاۋعا رۇقسات ەتىلگەن رەجيمدى ورناتا الاسىز. ءبىراق بۇل سوندا دا باتارەيانىڭ كۇيىنە كەرى اسەر ەتەدى. ءتىپتى، زارياد جوعالسا دا جەلىگە قوسىلعان سمارتفون ونى بىردەن تولتىرۋعا تىرىسادى. ال بۇل پروتسەسس ءتۇنى بويى قايتالانىپ، باتارەيانى دەمالتپايدى.

ەگەر جاعدايلارعا بايلانىستى تەلەفوندى تۇندە زاريادتاۋعا ءماجبۇر بولساڭىز، ەشقاشان گادجەتتى جاستىقتىڭ استىنا قويماڭىز. سەبەبى، اۋا اعىنىنىڭ بولماۋى شامادان تىس قىزدىرۋعا الىپ كەلۋى مۇمكىن. ال ول تەك باتارەيانىڭ توزۋىن تەزدەتىپ قانا قويمايدى، سونىمەن بىرگە ءورت قاۋپىن تۋدىرۋى مۇمكىن.

3. قۇرىلعىنى قىزدىرماڭىز.

جوعارىدا ايتىلعانداي، شامادان تىس قىزۋ باتارەياعا ەشقانداي جاقسىلىق اكەلمەيدى. جوعارى تەمپەراتۋرا كەزىندە باتارەيا سىيىمدىلىعىن جوعالتۋ ايتارلىقتاي جىلدامدايدى. بۇل جاعداي اسىرەسە، سمارتفوندار كۇن ساۋلەسىنىڭ اسەرىنەن قىزاتىندىقتان، جازدىڭ ىستىعىندا كوپ ورىن الادى.

سونداي-اق، زاريادتاۋ كەزىندە جىلۋ كوزدەرىنىڭ اسەر ەتۋى دە باتارەيانى قۇرتادى.

باتارەيا ءۇشىن بۇل ەڭ سترەسستىك جاعداي، سەبەبى سىرتقى فاكتورلاردىڭ اسەرىنەن ونى پايدالانۋعا رۇقسات ەتىلگەن ەڭ جوعارى تەمپەراتۋرا نورمادان اسىپ كەتۋى مۇمكىن. ال ونىڭ سالدارى ءتىپتى ءورت تۇتانۋعا دەيىن الىپ كەلەدى.

4. سمارتفوندى تومەن تەمپەراتۋرالاردا قولدانباڭىز.

سمارتفوندى تومەنگى تەمپەراتۋرادا قولدانۋ ۇسىنىلمايدى. بۇل بەرىلەتىن ەنەرگيا قورىنىڭ ازايۋىنا جانە تيىسىنشە، باتارەيانىڭ قۋاتىنىڭ تاۋسىلۋىنا اكەلەدى. سول سەبەپتەن دە وندىرۋشىلەر زاماناۋي گادجەتتەردى كوشەدە مينۋس تەمپەراتۋرادا قولدانباۋعا كەڭەس بەرەدى.

5. ءتۇپ نۇسقالى زاريادتاۋ قۇرىلعىسىن پايدالانىڭىز.

باسقا گادجەتتەردىڭ زاريادتاۋ قۇرىلعىلارىن پايدالانۋ دا باتارەياعا ايتارلىقتاي زيان تيگىزۋى مۇمكىن. اسىرەسە ارزان زاريادتاۋ اداپتەرى قاۋىپتى. مۇنداي قۇرىلعىلاردا وتە تومەن ساپالى قۇرامداس بولىكتەر بولادى. ال ولار قاجەتتى توق كۇشىن قامتاماسىز ەتە المايدى نەمەسە كەرنەۋ ايىرىمىنان قورعاي المايدى.

جىلدام زاريادتاۋ تەحنولوگيالارى دامي باستاعالى ءتۇپ نۇسقالى ەمەس زاريادتاۋ قۇرىلعىسىن پايدالانۋ ماسەلەسى بارعان سايىن ۋشىعىپ بارادى. سەبەبى، ءارتۇرلى سمارتفون ءارتۇرلى زاريادتاۋ رەجيمىن پايدالانادى. سوندىقتان، ءار سمارتفون ءوزىنىڭ اداپتەرى مەن كابەلىن تالاپ ەتەتىندىكتەن، تەلەفونداردى وزىنە تيەسىلى قۇرىلعىمەن زاريادتاۋ كەرەك.

6. باتارەيانى ساقتاۋ ەرەجەسىن ۇستانىڭىز.

ليتي نەگىزىندەگى باتارەيالار ءتىپتى قولدانىلماسا دا، ەسكىرىپ، سىيىمدىلىعىن جوعالتادى. سوندىقتان بولاشاقتا قوسالقى باتارەيالاردى ساتىپ الۋدىڭ ەشقانداي قاجەتى جوق. بۇل سونداي-اق، قولدانىلماي تۇرعان گادجەتتەرگە دە قاتىستى. ال ولاردىڭ باتارەيالارى مۇمكىندىگىنشە از توزسىن دەسەڭىز، ارنايى ساقتاۋ ەرەجەلەرىن ساقتاۋ كەرەك.

اتاپ ايتقاندا، پايدالانىلماعان گادجەتتەر مەن جەكەلەگەن باتارەيالاردا جوق دەگەندە 25 پايىز زارياد بولۋ كەرەك. دۇرىسى- %40-50 دەڭگەيىندە. سوندا تەلەفون ءبىر جىل قولدانىلماسا دا ونىڭ سىيىمدىلىعى بىرنەشە پايىزعا عانا ازايادى. ءبىراق، ەگەر اككۋمۋلياتور %100 عا زاريادتالعان بولسا، جوعالتۋ ءۇش-ءتورت ەسەگە، اسىرەسە جوعارى تەمپەراتۋرا كەزىندە جوعارىلاۋى مۇمكىن.

سمارتفون پايدالانۋشىسىنا ارنالعان كەڭەستەر

- مۇمكىندىگىنشە گادجەتتىڭ زاريادكاسى %40 بولعاندا توققا قويىپ، %80  عا تولعاندا الۋ كەرەك.

- تەلەفوندى ءتۇنى بويى زاريادكادا قالدىرماۋعا تىرىسىڭىز، ونىڭ ورنىنا تاڭەرتەڭ توققا قويعانىڭىز دۇرىس بولماق.

- سمارتفوندى سۋىقتا قولدانباڭىز جانە كورپۋستىڭ سىرتىن قىزىپ كەتۋدەن ساقتاڭىز.

- سمارتفوندارمەن بىرگە كەلەتىن زاريادتاۋ قۇرىلعىسىن عانا پايدالانىڭىز، اسىرەسە فلاگماندىق جاعدايدا.

- پايدالانىلماعان گادجەتتەردى ءجيى %40-50 دەڭگەيىنە دەيىن زاريادتاپ تۇرىڭىز.