سىبايلاس جەمقورلىق: قىزىلوردا وبلىسىندا 6 اۋىل اكىمى جاۋاپقا تارتىلدى

None
None
قىزىلوردا. قازاقپارات - بيىل  قىزىلوردا وبلىسىندا 6 اكىم سىبايلاس جەمقورلىق قىلمىسىن جاساعانى ءۇشىن جاۋاپقا تارتىلعان، دەپ حابارلايدى قازاقپارات ءتىلشىسى.

قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى  قىزىلوردا وبلىسى بويىنشا دەپارتامەنتىنىڭ ۇيىمداستىرۋىمەن اتالمىش تاقىرىپقا بايلانىستى جيىن وتكىزىلدى. وعان سىبايلاس جەمقورلىققا قارسى ۇلتتىق بيۋرونىڭ وبلىستىق دەپارتامەنتى، وبلىستىق باسقارما باسشىلارى، سونداي- اق،  قىزىلوردا قالاسى جانە اۋدان اكىمدەرى قاتىسۆپ، وبلىس اكىمىنىڭ ورىنباسارى قۋانىشبەك ىسقاقوۆ ءتوراعالىق ەتتى.

جيىن بارىسىندا سىبايلاس جەمقورلىققا قارسى ۇلتتىق بيۋرونىڭ وبلىس بويىنشا دەپارتامەنتىنىڭ باسقارما باسشىسى باقىتجان نيازوۆ «جىل باسىنان بەرى وبلىستا 6 كەنت جانە اۋىلدىق وكرۋگ اكىمدەرى سىبايلاس جەمقورلىق قىلمىس جاساعان. ونىڭ ىشىندە، 3 اۋىل اكىمى پارا العانى ءۇشىن، قالعان 3-ەۋى قىزمەتتىك جالعاندىق ءۇشىن جاۋاپكەرشىلىككە تارتىلدى. ناقتى ايتقاندا، قازالى اۋدانىنىڭ باسىعارا اۋىلدىق وكرۋگى، شيەلى اۋدانىنىڭ گيگانت اۋىلدىق وكرۋگى جانە  قىزىلوردا قالاسىنىڭ بەلكول كەنتى اكىمدەرى جەر تەلىمدەرىن بەرۋ ءۇشىن پارا العان. ال ارال اۋدانىنىڭ جاقسىقىلىش كەنتى جانە جاڭاقورعان اۋدانىنىڭ شالقيا، تومەنارىق ەلدى مەكەندەرىنىڭ اكىمدەرى قىزمەتتىك جالعاندىق جاساعان»، - دەدى.

 سونىمەن قاتار، ءماجىلىس بارىسىندا وبلىستاعى جەرگىلىكتى اتقارۋشى مەملەكەتتىك ورگاندارداعى سىبايلاس جەمقورلىقتىڭ الدىن الۋدىڭ وزەكتى پروبلەمالىق ماسەلەلەرى تالقىلاندى.

سوڭعى جاڭالىقتار